கமல்ஹாசனை தூக்கி கையில் வைத்துள்ள சிவாஜி: நினைவு நாளில் பகிர்ந்த புகைப்படம்!
- IndiaGlitz, [Wednesday,July 21 2021]
நடிகர் திலகம் சிவாஜி கணேசன் அவர்கள் கடந்த 2001ஆம் ஆண்டு இதே நாளான ஜூலை 21ஆம் தேதி மறைந்தார் என்பதும் அவரது மறைவிற்கு ஒட்டுமொத்த இந்திய திரையுலகமே இரங்கல் தெரிவித்தது என்பது குறிப்பிடத்தக்கது
இந்த நிலையில் நடிகர் திலகம் சிவாஜி கணேசன் அவர்களின் 20 ஆவது நினைவு தினம் இன்று திரை உலகினர் மத்தியில் அனுசரிக்கப்பட்டு வருகிறது. திரையுலகினர் பலர் அவரை அவரது நினைவைப் போற்றி புகழ்ந்து வருகின்றனர் என்பதும் அவருடன் நடித்த அனுபவத்தை தெரிவித்து வருகின்றனர் என்பதும் குறிப்பிடத்தக்கது
அந்த வகையில் சிவாஜிகணேசனுடன் குழந்தை நட்சத்திரமாகவும், அதன்பின் தேவர் மகன் உள்ளிட்ட ஒரு சில படங்களில் நடித்த கமல்ஹாசன், தனது டுவிட்டர் பக்கத்தில் சிவாஜி கணேசன் நினைவு நாள் குறித்து டுவிட் ஒன்றை பதிவு செய்துள்ளார்.
சிவாஜி கணேசன் நடித்த ’பார்த்தால் பசிதீரும்’ என்ற திரைப்படத்தில் கமல்ஹாசன் குழந்தை நட்சத்திரமாக நடித்திருந்த நிலையில் அந்தப் படத்தின் ஒரு காட்சியில் குழந்தையாக நடித்த கமல்ஹாசனை சிவாஜி கணேசன் கையில் தூக்கி வைத்திருக்கும் புகைப்படத்தை கமல்ஹாசன் பதிவு செய்துள்ள நிலையில் அந்த புகைப்படம் அனைவரையும் கவர்ந்துள்ளது என்பது குறிப்பிடத்தக்கது
இந்த டுவிட்டில் கமல்ஹாசன் கூறியிருப்பதாவது: திரை நடிப்புக்கென்று ஒரு மைல் கல்லை நிர்ணயித்துச் சென்றிருக்கும் கலைஞர் சிவாஜி கணேசனின் நினைவு நாள் இன்று. ஏதோ ஒரு திரையில் படம் என ஒன்று சலனமுறும் காலம்வரை நடிகர் திலகத்தின் நினைவு தமிழர் நெஞ்சில் அலையடித்தபடியே இருக்கும்.
திரை நடிப்புக்கென்று ஒரு மைல் கல்லை நிர்ணயித்துச் சென்றிருக்கும் கலைஞர் சிவாஜி கணேசனின் நினைவு நாள் இன்று. ஏதோ ஒரு திரையில் படம் என ஒன்று சலனமுறும் காலம்வரை நடிகர் திலகத்தின் நினைவு தமிழர் நெஞ்சில் அலையடித்தபடியே இருக்கும். pic.twitter.com/OJ93EmZjin
— Kamal Haasan (@ikamalhaasan) July 21, 2021