வாத்தியாருக்கு வாழ்த்து கூறிய கமல்ஹாசன்
- IndiaGlitz, [Saturday,January 07 2017]
பிரபல இயக்குனர், நடிகர், பத்திரிகையாளர், அரசியல்வாதி கே.பாக்யராஜ் இன்று தனது பிறந்த நாளை கொண்டாடினார். அவருக்கு குடும்பத்தினர், நண்பர்கள் மற்றும் திரையுலகினர் தங்கள் வாழ்த்துக்களை இன்று காலை முதல் நேரிலும், தொலைபேசியிலும், சமூக வலைத்தளங்களிலும் தெரிவித்து வந்தனர்
இந்நிலையில் உலக நாயகன் கமல்ஹாசன் தனது சமூக வலைத்தளத்தில் சற்று முன்னர் கே.பாக்யராஜூக்கு வாழ்த்து கூறியுள்ளார், 16 வயதினிலே முதல் வாத்தியாராக நீண்டகாலம் இருந்து வரும் கே.பாக்யராஜ், இந்த திரையுலகில் நீண்ட நெடுந்தூரம் புகழுடன் பயணம் செய்துள்ளார். அவருடைய பயணம் இன்னும் நெடுந்தூரம் நீடிக்க எனது வாழ்த்துக்கள் என்று கூறியுள்ளார்.
கமல்ஹாசன் நடித்த '16 வயதினிலே' படத்தில் கே.பாக்யராஜ் உதவி இயக்குனராக பணியாற்றியது மட்டுமின்றி கிராமத்து மருத்துவராகவும் நடித்திருப்பார். அதேபோல் கமலின் 'சிகப்பு ரோஜாக்கள்' படத்திலும் சர்வர் வேடத்தில் பாக்யராஜ் நடித்திருப்பார். மேலும் கமல்ஹாசன் நடித்த 'ஒரு கைதியின் டைரி' என்ற சூப்பர் ஹிட் படத்திற்கு கதை-வசனம் எழுதியவர் பாக்யராஜ் என்பது குறிப்பிடத்தக்கது.