close
Choose your channels

బేబీ బంప్‌తో షూటింగ్‌కు హాజరైన కరీనా

Wednesday, October 28, 2020 • తెలుగు Comments

బేబీ బంప్‌తో షూటింగ్‌కు హాజరైన కరీనా

బేబీ బంప్‌తో బయటకు వచ్చేందుకు హీరోయిన్లు పెద్దగా ఇష్టపడరు. కానీ బాలీవుడ్ బ్యూటీ మాత్రం అవేమీ పట్టించుకోకుండా హ్యాపీగా బయటకు వెళుతోంది. ఆమె మరెవరో కాదు.. కరీనా కపూర్. ప్రస్తుతం కరీనా రెండోసారి తల్లి కాబోతోంది. కరోనా సమయంలో సాధారణ మహిళలే బయటకు వచ్చేందుకు భయపడుతుంటే కరీనా మాత్రం షూటింగ్‌లకు సైతం హాజరవుతోంది.

తాజాగా కరీనా ఓ యాడ్ ఫిల్మ్ షూటింగ్‌లో పాల్గొంది. దీనికోసం తన సోదరి కరిష్మా కపూర్‌తో కలిసి యాడ్ ఫిల్మ్ షూటింగ్‌కు హాజరైంది. తను రెండో సారి గర్భవతిని అవుతున్నానంటూ కరీనా ఆగస్టులోనే సోషల్ మీడియా వేదికగా ప్రకటించింది. అప్పటి నుంచి కూడా ఆమె అప్పుడప్పుడు బయట కనిపిస్తూనే ఉంది. తాజాగా యాడ్ ఫిల్మ్ షూటింగ్‌కు హాజరై.. దాని తాలుక బ్యాక్ స్టేజ్ వీడియోను ఇన్‌స్టాగ్రాంలో కరీనా పోస్ట్ చేసింది. ఈ వీడియోను పోస్ట్ చేసిన కొన్ని గంటల్లోనే లక్షల్లో వ్యూస్ వచ్చాయి.

Get Breaking News Alerts From IndiaGlitz