முதல்வர் பதவியேற்க இருக்கும் ஸ்டாலினுக்கு நடிகர் கார்த்தி வைத்த கோரிக்கை!
- IndiaGlitz, [Monday,May 03 2021]
வேளாண்மை மற்றும் சுற்றுச்சூழலுக்கு முக்கியத்துவம் தாருங்கள் என முதல்வராக பதவி ஏற்க இருக்கும் முக ஸ்டாலினுக்கு நடிகர் கார்த்தி கோரிக்கை விடுத்துள்ளார்.
நடைபெற்று முடிந்த சட்டமன்ற தேர்தலில் திமுக அமோக வெற்றி பெற்றுள்ள நிலையில் அக்கட்சியின் தலைவர் ஸ்டாலின் இன்னும் ஓரிரு நாளில் தமிழக முதல்வராக பதவி ஏற்க உள்ளார்.
இதனை அடுத்து அவருக்கு திரையுலக பிரபலங்கள், அரசியல்வாதிகள், தேசிய கட்சியின் தலைவர்கள், பிற மாநில முதல்வர்கள், மத்திய அமைச்சர்கள் உள்பட பலர் வாழ்த்து தெரிவித்து வருகின்றனர்.
இந்த நிலையில் ரஜினிகாந்த், கமல்ஹாசன், ஏஆர் ரகுமான் உள்பட பல திரையுலக பிரபலங்கள் ஏற்கனவே முக ஸ்டாலின் அவர்களுக்கு வாழ்த்து தெரிவித்த நிலையில் தற்போது நடிகர் கார்த்தி தனது டுவிட்டர் மூலம் வாழ்த்து தெரிவித்து தனது கோரிக்கையும் விடுத்துள்ளார், அதில் அவர் கூறியிருப்பதாவது:
மிக முக்கிய தருணத்தில், தமிழக முதல்வராகும் திரு. ஸ்டாலின் அவர்கள், நமது தனிப்பெரும் அடையாளங்களான சமூக நீதி, மத நல்லிணக்கம்,கல்வி, மருத்துவம், சுகாதாரத்தோடு, வேளாண்மை மற்றும் சுற்றுச்சூழல் பாதுகாப்பிற்கும் முக்கியத்துவம் அளித்து,மக்கள் விரும்பும் நல்லாட்சி அமைத்திட வாழ்த்துக்கள்!
மிக முக்கிய தருணத்தில், தமிழக முதல்வராகும் திரு. @mkstalin அவர்கள், நமது தனிப்பெரும் அடையாளங்களான சமூக நீதி, மத நல்லிணக்கம்,கல்வி, மருத்துவம், சுகாதாரத்தோடு, வேளாண்மை மற்றும் சுற்றுச்சூழல் பாதுகாப்பிற்கும் முக்கியத்துவம் அளித்து,மக்கள் விரும்பும் நல்லாட்சி அமைத்திட வாழ்த்துக்கள்!
— Actor Karthi (@Karthi_Offl) May 3, 2021