close
Choose your channels

ரஜினிக்கு மட்டும் எப்படி அனுமதி கிடைத்தது? அமெரிக்க பயணம் குறித்து கஸ்தூரி கேள்வி!

Monday, June 28, 2021 • தமிழ் Comments

சூப்பர் ஸ்டார் ரஜினிகாந்த் அவர்கள் கடந்த சில நாட்களுக்கு முன்னர் அமெரிக்காவுக்கு மருத்துவ பரிசோதனை செய்ய தனி விமானத்தில் சென்ற நிலையில், இதுகுறித்து நடிகை கஸ்தூரி அடுக்கடுக்காக தனது டுவிட்டர் பக்கத்தில் கேள்வி எழுப்பி உள்ளது பெரும் பரபரப்பை ஏற்படுத்தி உள்ளது. அவர் இது குறித்து கூறியிருப்பதாவது:

மே மாதம் முதல் அனைத்து இந்தியர்களும் கொரோனா காரணமாக இந்தியாவில் இருந்து நேரடி பயணத்தை அமெரிக்கா தடை செய்துள்ளது. மருத்துவ விதிவிலக்குகளும் வழங்கப்படவில்லை. பின்னர் எப்படி, அமெரிக்காவுக்கு ரஜினிகாந்த் பயணம் சென்றார்? அவர் அரசியலில் இருந்து திடீரென விலகியதும், இப்போது அமெரிக்கா செல்வதும் சரியாகப் படவில்லை. ரஜினி அவர்கள் இதனை தயவு செய்து தெளிவுபடுத்த வேண்டும்.

நான் இவ்வாறு கேள்வி கேட்பதில் காரணம் உள்ளது. அமெரிக்காவில் பணிபுரியும் இந்தியர்கள் அல்லது அமெரிக்காவில் படிக்கும் மாணவர்களுக்கு மட்டுமே அமெரிக்கா திரும்ப அனுமதிக்கப்படுகிறார்கள். இவ்வாறு இருக்கும்போது ரஜினி பயணம் ஒரு மர்மமாக உள்ளது. மத்திய அரசிடம் இருந்து மருத்துவ விலக்கு பெற்று ரஜினி அமெரிக்கா சென்றார் என்றார் அவரது உடல்நிலைக்கு அப்படி என்ன என்பதும் கவலை அளிக்கிறது. இந்தியாவில் உள்ள மருத்துவமனைகளில் சிகிச்சை அளிக்க முடியாத அளவிற்கு அவரது உடல் நிலையில் என்ன பாதிப்பு என்ன? என்ற கேள்வியை நடிகை கஸ்தூரி எழுப்பியுள்ளார்.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz