’டிராகன்’ என்ற ஒரே ஒரு சூப்பர் ஹிட் படத்தில் நடித்த நடிகை காயடு லோஹர் ‘இதயம் முரளி’ என்ற திரைப்படத்தில் நடித்து வரும் நிலையில், தற்போது மாஸ் நடிகருக்கு ஜோடியாக நடிக்கும் வாய்ப்பு பெற்றுள்ளார். இதற்காக, அவருக்கு வாழ்த்துக்கள் குவிந்து வருகின்றன.

பிரதீப் ரங்கநாதன் நடிப்பில், அஸ்வத் மாரிமுத்து இயக்கத்தில் உருவான ’டிராகன்’ திரைப்படம் சமீபத்தில் வெளியாகி மிகப்பெரிய வெற்றி பெற்றது. இந்தப் படத்தின் நாயகிகளில் ஒருவராக நடித்த காயத்ரி லோஹர் நடிப்புக்கு ரசிகர்கள் மத்தியில் நல்ல வரவேற்பு கிடைத்தது.

இதனை அடுத்து, சமீபத்தில் தான் அவர் ’இதயம் முரளி’ என்ற திரைப்படத்தில் நடிக்க ஒப்பந்தம் செய்யப்பட்டார். இதில், அதர்வா ஜோடியாக நடிக்க இருக்கும் அவர், முக்கியமான கதாபாத்திரத்தில் நடிக்கவுள்ளார்.

இந்நிலையில், தமிழ் திரை உலகின் மாஸ் நடிகர்களில் ஒருவரான சிம்புவுக்கு ஜோடியாக நடிக்க வாய்ப்பு கிடைத்துள்ளதாக தகவல் வெளியாகியுள்ளது. சிம்பு நடிப்பில், ’பார்க்கிங்’ படத்தை இயக்கிய ராம்குமார் பாலகிருஷ்ணன் இயக்கத்தில், டான் பிக்சர்ஸ் தயாரிப்பில் உருவாக இருக்கும் படத்தில், காயடு நாயகியாக ஒப்பந்தமாகியுள்ளார்.

சிம்புவுக்கு ஜோடியாக நடிக்க ஒப்பந்தமானதாக செய்தி வெளியானதை அடுத்து, சிம்பு ரசிகர்கள் அவருக்கு வாழ்த்துக்களை தெரிவித்து வருகின்றனர். 'டிராகன்’ என்ற ஒரே ஒரு வெற்றி படத்தால், சிம்புவுடன் நடிக்கும் வாய்ப்பு கிடைத்துள்ள நிலையில், அடுத்தடுத்து மாஸ் நடிகர்களின் படங்களில் நடிக்க அவருக்கு வாய்ப்பு கிடைக்கும் என்று எதிர்பார்க்கப்படுகிறது.