close
Choose your channels

కీర్తి సురేష్, ఆది పినిశెట్టిల ‘గుడ్ లక్ సఖి’ టీజర్ విడుదల

Saturday, August 15, 2020 • తెలుగు Comments

కీర్తి సురేష్, ఆది పినిశెట్టిల ‘గుడ్ లక్ సఖి’ టీజర్ విడుదల

కీర్తి సురేష్, ఆది పినిశెట్టి జంటగా నటిస్తున్న చిత్రం.. ‘గుడ్ లక్ సఖి’. నగేష్ కుకునూర్ దర్శకత్వంలో తెరకెక్కుతున్న ఈ చిత్రానికి సంబంధించిన టీజర్ నేడు విడుదల అయింది. దిల్ రాజు సమర్పణలో సుధీర్ చంద్ర పదిరి, శ్రవ్యా వర్మ సంయుక్తంగా ఈ సినిమాను నిర్మిస్తున్నారు. రాక్ స్టార్ దేవిశ్రీ ప్రసాద్ ఈ చిత్రానికి సంగీతం అందిస్తున్నారు. ‘మహానటి’ తర్వాత కీర్తి సురేష్ తెలుగులో నటిస్తోంది. మూడు భాషల్లో ఈ సినిమా తెరకెక్కుతోంది.

జగపతి బాబు ఈ చిత్రంలో ఓ కీలక పాత్రలో నటిస్తున్నారు. కీర్తి ఓ గిరిజన యువతిగా నటిస్తోంది. ఒక గిరిజన యువతి షూటింగ్‌లో ఎలా రాణించింది.. దేశానికి ఎలా గర్వకారణంగా మారింది.. అనే అంశంతో ఈ చిత్రాన్ని తెరకెక్కిస్తున్నట్టు తెలుస్తోంది. కీర్తి సురేష్‌ని పెళ్లి కూతురిగా గెటప్‌లో చూపిస్తూ ఈ టీజర్ ప్రారంభమవుతుంది. ఈ పెళ్లి జరగకపోవడం.. కీర్తికి బ్యాడ్ లక్ సఖిగా ఉన్న పేరు మరింత స్థిరపడటం వంటి అంశాలతో టీజర్‌ను వదిలారు.

ఈ సినిమాలో ఆది పినిశెట్టి ఓ స్టేజి ఆర్టిస్టుగా నటించారు. కీర్తి, ఆది పినిశెట్టిల మధ్య కెమెస్ట్రీ బాగా వర్కవుట్ అయింది. జీవితంలో రాణించాలంటే లక్ అవసరం లేదు.. కృషి, పట్టుదల ఉంటే చాలు.. మన రాతను మనమే రాసుకోవచ్చనేదే కథాంశంగా టీజర్‌ని బట్టి తెలుస్తోంది. ఈ సినిమా తెలుగు, తమిళ్, మలయాళంలో తెరకెక్కుతోంది. ఈ టీజర్ రిలీజైన కొన్ని గంటల్లో లక్షల్లో వ్యూస్‌ను సంపాదించుకుంది.

Get Breaking News Alerts From IndiaGlitz