தேசிய விருது பெற்ற நடிகை கீர்த்தி சுரேஷ், பிரபல இயக்குனர் கார்த்திக் சுப்புராஜ் தயாரிப்பில் ஒரு படத்தில் நடித்து வந்தார் என்பதும் இந்த படத்தை அறிமுக இயக்குனர் ஈஸ்வர் கார்த்திக் என்பவர் இயக்கி வந்தார் என்பதும் தெரிந்தது.

தமிழ் தெலுங்கு என இரண்டு மொழிகளில் உருவாகி வரும் இந்தப் படம் நாயகிக்கு முக்கியத்துவம் கொடுக்கும் கதையம்சம் கொண்ட படம் என்பதும் இந்த படத்திற்கு ’பெண்குயின்’ என்ற டைட்டில் வைக்கப்பட்டுள்ளதாக வெளிவந்த செய்தியை பார்த்தோம்.

இந்த நிலையில் இந்த படத்தின் படப்பிடிப்பு தற்போது முடிவடைந்துள்ளது. இதனை அடுத்து இன்னும் ஒரு சில நாட்களில் இந்த படத்தின் போஸ்ட் புரடொக்ஷன் பணிகள் தொடங்கும் என தெரிகிறது. இந்த படத்தின் படப்பிடிப்பு முடிவடைந்ததை அடுத்து கீர்த்தி சுரேஷ் தனது சமூக வலைத்தள பக்கத்தில், ‘நான் பணியாற்றிய படக்குழுவினர்களில் இந்த படத்தின் குழுவினர்கள் மிகவும் சிறந்தவர்கள் என்றும், இந்த படத்தின் படப்பிடிப்பின் இடையே பல இனிமையான அனுபவங்கள் தனக்கு ஏற்பட்டது என்றும், இந்த படத்தை திரையில் காண மிகுந்த ஆர்வத்துடன் இருப்பதாகவும் குறிப்பிட்டுள்ளார்.

கார்த்திக் சுப்புராஜின் ஸ்டோன் பெஞ்ச் பிலிம்ஸ் நிறுவனம் தயாரிப்பில், சந்தோஷ் நாராயணன் இசையில், கார்த்திக் பழனி ஒளிப்பதிவில், அனில் கிரிஷ் படத்தொகுப்பில் இந்த படம் உருவாகியுள்ளது என்பது குறிப்பிடத்தக்கது.