கீர்த்தி சுரேஷ் நடித்த அதிரடி ஆக்‌ஷன் திரைப்படமான ’ரிவால்வர் ரீட்டா' படத்தின் ரிலீஸ் தேதி அதிகாரப்பூர்வமாக அறிவிக்கப்பட்டு, அதற்கான வீடியோவும் வெளியிடப்பட்டுள்ளது. இந்த வீடியோ தற்போது இணையத்தில் வைரலாகி வருகிறது.

கீர்த்தி சுரேஷ் நடிப்பில் உருவான ’ரிவால்வர் ரீட்டா' படத்தின் படப்பிடிப்பு முடிவடைந்து கடந்த ஆண்டே ரிலீஸுக்குத் தயாரானது. இந்த நிலையில், தற்போது இந்தப் படம் ஆகஸ்ட் 27ஆம் தேதி விநாயகர் சதுர்த்தி சிறப்பு திரைப்படமாக வெளியாகும் என்று அறிவிக்கப்பட்டுள்ளது. மேலும், இந்த படத்தின் ரிலீஸ் தேதி குறித்த வீடியோ தற்போது இணையத்தில் வைரலாகி வருகிறது.

சந்துரு இயக்கத்தில் உருவான இந்தத் திரைப்படத்தில் கீர்த்தி சுரேஷ் 'ரீட்டா' என்ற கதாபாத்திரத்தில் நடித்திருக்கிறார். மேலும், ராதிகா சரத்குமார், ரெடின் கிங்ஸ்லி, மைம் கோபி, சென்ட்ராயன், சூப்பர் சுப்பராயன், ஜான் விஜய், கல்யாண் மாஸ்டர் உட்பட பலர் நடித்துள்ளனர். ஷான் ரோல்டன் இசையில் உருவான இந்த திரைப்படத்தை பேஷன் ஸ்டுடியோஸ் மற்றும் தி ரூட் நிறுவனங்கள் தயாரித்துள்ளன.

கீர்த்தி சுரேஷின் முந்தைய படமான ‘ரகு தாத்தா’ எதிர்பார்த்த வெற்றியை பெறாத நிலையில், இந்த படம் அவருக்கு இன்னொரு வெற்றிப் படமாக அமையுமா என்பதை பொறுத்திருந்து பார்ப்போம்.