Download App

కేర‌ళ‌.. కేర‌ళా.. డోంట్ వ‌ర్రీ కేర‌ళ‌!

ముస్త‌ఫా ముస్త‌ఫా డోంట్ వ‌రీ ముస్త‌ఫా.. అనే పాట ట్యూన్‌లో కేర‌ళ కేర‌ళా డోంట్ వ‌రీ కేర‌ళా అని ఇటీవ‌ల కేర‌ళ వ‌ర‌ద‌ల స‌మ‌యంలో ఎ.ఆర్‌.రెహ‌మాన్ పాడిన పాట అంద‌రికీ గుర్తుండే ఉంటుంది. స‌మీప‌కాలం వ‌ర‌కూ అమెరికాలో టూర్‌లో ఉన్నారు రెహ‌మాన్‌.

ఆ స‌మ‌యంలో వ‌ర‌ద‌ల గురించి విని ఆయ‌న ఇలా పాడారు. కేవ‌లం పాట‌లు పాడ‌టంతో ఊరుకున్నార‌నుకుంటే పొర‌పాటే. ఆయ‌న పాట‌లు పాడ‌టంతోనే ఊరుకోలేదు. ఏకంగా రూ.కోటిని కేర‌ళ వ‌ర‌ద‌బాధితుల‌కు అందించారు. అక్కడి సీఎం రిలీఫ్ ఫండ్‌కు ఆయ‌న ఇచ్చిన డొనేష‌న్ చేరుతుంది.

ఓ వైపు కేర‌ళ కూడా ఇప్పుడిప్పుడే కోలుకుంటోంది. అక్క‌డి వాసులు త‌మ నివాసాల‌ను చ‌క్క‌దిద్దుకుంటున్నారు. కానీ కేర‌ళ వ‌ర‌ద‌ల కార‌ణంలో 400 మంది ప్రాణాల‌ను కోల్పోయారు. వారి ఆత్మ‌కు శాంతి క‌ల‌గాల‌ని రెహ‌మాన్ త‌న మ్యూజిక్ ట్రిప్స్ జ‌రిగిన ప్రాంతాల్లో రెండు నిమిషాల పాటు మౌనాన్ని పాటించారు.