விஜய் படத்தில் இணையும் 'கேஜிஎஃப் 2' பிரபலம்: இதைத்தான் எதிர்பார்த்தோம்!
- IndiaGlitz, [Wednesday,April 27 2022]
தளபதி விஜய் நடிக்கும் அடுத்த திரைப்படத்தில் ’கேஜிஎப் 2’ படத்தில் நடித்த பிரபல நடிகர் இணைய உள்ளதாக செய்திகள் வெளியானதை அடுத்து ’இதைத்தான் எதிர்பார்த்தோம்’ என ரசிகர்கள் கருத்து தெரிவித்து வருகின்றனர்.
’கேஜிஎப் 2’படத்தில் அட்டகாசமான வில்லன் கேரக்டரில் நடித்தவர் பிரபல பாலிவுட் நடிகர் சஞ்சய்தத். இவர் விஜய் நடிக்க இருக்கும் 67வது படத்தில் நடிக்க இருப்பதாகவும் இது குறித்து பேச்சுவார்த்தை ஆரம்பம் ஆகி விட்டதாகவும் கூறப்படுகிறது .
விஜய் போன்ற மாஸ் நடிகர்கள் நடிக்கும் ஆக்ஷன் படத்தில் வில்லன் கேரக்டர் ஹீரோவுக்கு இணையான பிரபலமாக இருந்தால் தான் அந்த படம் வெற்றி பெறும் என ஏற்கனவே பல விமர்சகர்கள் தெரிவித்துள்ளனர். மாஸ்டர்’ படத்தின் வெற்றிக்கு காரணம் விஜய்சேதுபதி என்ற மாஸ் வில்லன் என்பதும் ‘பீஸ்ட்’ படத்தின் தோல்விக்கு காரணம் சரியான வில்லன் இல்லைஎன்பதே விமர்சகர்களின் கருத்தாக உள்ளது.
அந்த வகையில் ’தளபதி 67’ படத்தில் வில்லனாக சஞ்சய்தத் நடிக்கவிருப்பதாக வெளிவந்திருக்கும் செய்தியை அடுத்து இந்த படம் கண்டிப்பாக விஜய் ரசிகர்களுக்கு சரியான தீனியாக இருக்கும் என்று எதிர்பார்க்கப்படுகிறது.