'கேஜிஎப்' நடிகர் யாஷ் அடுத்த படத்தின் நாயகி 'பீஸ்ட்' நடிகையா?
- IndiaGlitz, [Thursday,June 16 2022]
சமீபத்தில் வெளியான யாஷ் நடித்த ’கேஜிஎப் 2’ திரைப்படம் மிகப் பெரிய வெற்றி பெற்றது என்பதும் இந்த படம் உலகம் முழுவதும் ஆயிரம் கோடி ரூபாய்க்கும் அதிகமாக வசூல் ஆனது என்பதும் குறிப்பிடத்தக்கது.
இந்த நிலையில் ’கேஜிஎப் யாஷ் நடிக்கும் அடுத்த படத்தை பிரபல கன்னட இயக்குனர் நார்தன் இயக்க இருப்பதாகவும் இந்த படத்தின் ஆரம்பகட்ட பணிகள் தற்போது நடைபெற்று வருவதாகவும் கூறப்படுகிறது
இந்த நிலையில் இந்த படத்தில் யாஷ் ஜோடியாக நடிக்க நாயகி பூஜா ஹெக்டேவுடன் பேச்சுவார்த்தை நடைபெற்று வருவதாகவும் இது குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது. யாஷ் உடன் பூஜா ஹெக்டே நடிப்பது உறுதி செய்யப்பட்டால் முதல் முதலாக இருவரும் இணைந்து நடிக்கவுள்ளனர் என்பது குறிப்பிடத்தக்கது.
பூஜா ஹெக்டே தற்போது ‘ஜனகனமன’ என்ற தெலுங்கு படத்திலும் ‘சர்க்கஸ்’ உள்பட இரண்டு பாலிவுட் படத்திலும் நடித்து வருகிறார்.