க/பெ ரணசிங்கம்' இயக்குனருக்கு தயாரிப்பாளர் கொடுத்த சிறப்பு பரிசு!
- IndiaGlitz, [Wednesday,November 04 2020]
மக்கள் செல்வன் விஜய் சேதுபதி, ஐஸ்வர்யா ராஜேஷ் நடிப்பில் விருமாண்டி இயக்கத்தில் உருவான ’க/பெ ரணசிங்கம்’ என்ற திரைப்படம் கடந்த மாதம் 2ஆம் தேதி ஓடிடியில் வெளியானது என்பதும் இந்த படம் அனைத்து தரப்பினர்களாலும் நல்ல வரவேற்பை பெற்றது என்பதும் தெரிந்ததே.
வசூல் அளவிலும் இந்த படத்தை சுமார் 5 கோடிக்கும் மேல் ஓடிடியில் பார்த்ததாகவும், இதனால் சுமார் ரூ.10 கோடிக்கும் மேல் இந்த படம் வசூலானதாகவும் செய்திகள் வெளிவந்தன.
இந்த நிலையில் மக்களிடையே நல்ல வரவேற்பும், தயாரிப்பாளருக்கு நல்ல லாபமும் இந்த படம் கொடுத்ததை அடுத்து இந்த படத்தின் தயாரிப்பாளர் கேஜேஆர் ராஜேஷ், இயக்குனர் விருமாண்டிக்கு புத்தம் புதிய கார் ஒன்றை பரிசளித்துள்ளார். தயாரிப்பாளர் கேஜேஆர் ராஜேஷ் கொடுத்த புத்தம் புதிய காருடன் விருமாண்டி குடும்பத்தினர் இருக்கும் புகைப்படங்கள் தற்போது சமூக வலைத்தளங்களில் வைரலாகி வருகிறது.