பாஜகவில் இணைந்தார் விஜய்சேதுபதி பட தயாரிப்பாளர்!
- IndiaGlitz, [Tuesday,November 03 2020]
அஜித் நடித்த ’விஸ்வாசம்’ உள்பட ஒரு சில திரைப்படங்களின் தமிழக ரிலீஸ் உரிமையை பெற்ற நிறுவனம் கேஜேஆர் ஸ்டுடியோ என்பது தெரிந்ததே. மேலும் இந்நிறுவனம் நயன்தாரா நடித்த ’அறம்’ விஜய்சேதுபதி நடித்த க/பெ ரணசிங்கம் உள்பட ஒரு சில திரைப்படங்களை தயாரித்து உள்ளது என்பதும் தற்போது சிவகார்த்திகேயன் நடித்து வரும் ‘அயலான்’ உள்பட ஒருசில படங்களை தயாரித்து வருகிறது என்பதும் குறிப்பிடத்தக்கது
இந்த நிலையில் கேஜேஆர் ஸ்டுடியோஸ் நிறுவனத்தின் உரிமையாளர் ராஜேஷ் அவர்கள் சற்று முன் பாஜகவில் இணைந்து உள்ளதாக தகவல்கள் வெளிவந்துள்ளது. தமிழக பாஜக தலைவர் எல் முருகன் தலைமையில் கேஜேஆர் ராஜேஷ் தன்னை பாஜகவில் இணைத்துக்கொண்டு கட்சியின் உறுப்பினர் அட்டையை பெற்றுக் கொண்ட புகைப்படங்கள் தற்போது வைரல் ஆகி வருகின்றன
ஏற்கனவே கடந்த சில மாதங்களில் நடிகை குஷ்பு உள்பட ஒருசில திரையுலக பிரபலங்கள் பாஜகவில் இணைந்த நிலையில் தற்போது மேலும் ஒரு திரையுலக பிரபலம் பாஜகவில் இணைந்துள்ளார் என்பது குறிப்பிடத்தக்கது