చిరు ఖైదీ నెం 150 సెట్ లో సందడి చేసింది ఎవరో తెలుసా..!
- IndiaGlitz, [Wednesday,August 31 2016]
మెగాస్టార్ చిరంజీవి న‌టిస్తున్న 150వ చిత్రం ఖైదీ నెం 150 హైద‌రాబాద్ ప‌రిస‌ర ప్రాంతాల్లో షూటింగ్ జ‌రుపుకుంటుంది. ఈ చిత్రంలో చిరంజీవి స‌ర‌స‌న కాజ‌ల్ న‌టిస్తుంది. డైన‌మిక్ డైరెక్టర్ వినాయ‌క్ ఈ చిత్రాన్ని తెర‌కెక్కిస్తుండ‌గా, మెగా ప‌వ‌ర్ స్టార్ రామ్ చ‌ర‌ణ్ ఈ భారీ చిత్రాన్ని నిర్మిస్తున్నారు. ఈ మూవీ సెట్ కి అక్కినేని అఖిల్ వెళ్లి సందడి చేసాడ‌ట.
ఈ విష‌యాన్ని కొణిదెల ప్రొడక్షన్ హౌస్ సోష‌ల్ మీడియా ద్వారా తెలియ‌చేసింది. అంతే కాకుండా...ఖైదీ నెం 150 సెట్ కి ఎవరు వ‌చ్చారో చూడండి అంటూ అఖిల్, వినాయ‌క్ క‌లిసి దిగిన ఫోటోను పోస్ట్ చేసారు. శ‌ర‌వేగంగా షూటింగ్ జ‌రుపుకుంటున్న ఈ భారీ చిత్రాన్ని సంక్రాంతి కానుక‌గా రిలీజ్ చేయ‌నున్నారు.