விஜய் ஆண்டனி நடித்த திகில் சஸ்பென்ஸ் திரைப்படமான 'கொலைகாரன்' திரைப்படம் சமீபத்தில் படப்பிடிப்பு மற்றும் போஸ்ட் புரடொக்சன்ஸ் பணிகள் முடிந்து ரிலீசுக்கு தயாரான நிலையில் இன்று இந்த படம் சென்சாருக்கு சென்றது.

சென்சார் அதிகாரிகள் இந்த படத்தை பார்த்து படத்திற்கு 'யூஏ' சான்றிதழ் அளித்துள்ளனர். இதனையடுத்து இந்த படத்தின் புரமோஷன் பணிகள் விறுவிறுப்பாகும் என தெரிகிறது. மேலும் இந்த படத்தின் ரிலீஸ் தேதி ஜூன் 5 என ஏற்கனவே அறிவிக்கப்பட்டுள்ளது என்பது தெரிந்ததே.

விஜய் ஆண்டனி, அர்ஜூன், ஆஷிமா, சீதா, நாசர், சத்யன், குருசோமசுந்தரம், மயில்சாமி, ஜான் விஜய் உள்பட பலர் நடித்துள்ள இந்த படத்தை ஆண்ட்ரூ ஏகாம்பரம் இயக்கியுள்ளார். சைமன் கிங் இசையில் முகேஷ் ஒளிப்பதிவில் விவேக் ஹர்ஷன் படத்தொகுப்பில் உருவாகியுள்ள இந்த படத்தை பிரதீப் தயாரித்துள்ளார்.