close
Choose your channels

హాట్ స్టార్ తో క్రిష్ డీల్ ?

Friday, April 3, 2020 • తెలుగు Comments

హాట్ స్టార్ తో క్రిష్ డీల్ ?

డైరెక్ట‌ర్ క్రిష్‌ను మ‌ల్టీ టాలెంటెడ్ అని చెప్పాలి. ఎందుకంటే ఓ ప‌క్క డైరెక్ష‌న్ చేస్తూనే నిర్మాణ బాధ్య‌త‌ల‌ను వ‌హిస్తుంటాడు. ఆయ‌న డైరెక్ట్ చేసిన సినిమాల‌న్నింటిలోనూ ఆయ‌న నిర్మాత‌గానే వ్య‌వ‌హ‌రిస్తుంటాడు. ఒక ప‌క్క ద‌ర్శ‌క నిర్మాత‌గా ఉంటూనే ఇప్పుడు కొత్త బాధ్య‌త‌లు తీసుకున్నాడు. అదేంటో అంద‌రికీ తెలిసిందే. అల్లు అర‌వింద్ స్టార్ట్ చేసిన అహా తెలుగు ఓటీటీ ఫ్లాట్ ఫామ్‌లో రూపొందుతోన్న కొన్ని వెబ్ సిరీస్‌ల‌ను క్రిష్ రూపొందిస్తున్నాడు. అయితే వీటితో పాటు మ‌రో కొత్త సంస్థ‌తో క్రిష్ వెబ్ సిరీస్ రూపొందించ‌డానికి డీల్ కుదుర్చుకున్నాడ‌ని వార్త‌లు విన‌ప‌డుతున్నాయి. వివ‌రాల మేర‌కు హాట్ స్టార్ సంస్థ‌లో క్రిష్ ఓ వెబ్ సిరీస్ రూపొందిస్తాడ‌ట‌. దీనికి స్క్రీన్ ప్లే అందించ‌డంతో పాటు నిర్మాణంలోనూ ఆయ‌న భాగ‌స్వామిగా వ్య‌వ‌హ‌రిస్తాడ‌ని వార్త‌లు విన‌ప‌డుతున్నాయి.

ఇవ‌న్నీ కాకుండా మ‌రో ప‌క్క ప‌వ‌ర్‌స్టార్ ప‌వ‌న్ క‌ల్యాణ్ 27వ సినిమాను తెర‌కెక్కిస్తున్నాడ‌ట క్రిష్‌. క‌రోనా ప్ర‌భావంతో ఆగిన షూటింగ్ ఆ ప్ర‌భావం త‌గ్గ‌గానే మ‌ళ్లీ ప్రారంభం అవుతుంది. ఇది పీరియాడిక‌ల్ చిత్రం. మొఘ‌ల్ నేప‌థ్యంలో రూపొంద‌బోయే ఈ చిత్రాన్నికి ఎ.ఎం.ర‌త్నం నిర్మాత‌. విరూపాక్ష అనే టైటిల్ ప‌రిశీల‌న‌లో ఉంది.

Get Breaking News Alerts From IndiaGlitz