close
Choose your channels

డిజిట‌ల్‌లో నిర్మాత‌గా మారిన క్రిష్‌...!!

Saturday, March 21, 2020 • తెలుగు Comments

డిజిట‌ల్‌లో నిర్మాత‌గా మారిన క్రిష్‌...!!

విల‌క్ష‌ణ‌మైన కాన్సెప్ట్‌ల‌తో చిత్రాలు చేసే ద‌ర్శ‌కుల్లో జాగ‌ర్ల‌మూడి క్రిష్ ముందు వ‌రుస‌లో ఉంటారు. గమ్యం, వేదం, కృష్ణంవందే జ‌గ‌ద్గుర‌మ్‌, కంచె వంటి చిత్రాల‌ను డైరెక్ట్ చేశారు. ఆయ‌న సినిమాల్లో ద‌ర్శ‌క‌త్వం చేయ‌డంతో పాటు నిర్మాణంలో కూడా భాగ‌స్వామిగా వ్య‌వ‌హ‌రిస్తుంటారు. ఆయ‌న ఇప్పుడు సినిమాల‌తో పాటు డిజిట‌ల్ రంగంలో కూడా అడుగు పెట్టిన సంగ‌తి తెలిసిందే. తెలుగు ఓటీటీ ఫ్లాట్‌పామ్ ఆహాలో క్రిష్ స్క్రిప్ట్ వ్య‌వ‌హారాల‌ను ప‌ర్య‌వేక్షిస్తున్నారు. అల్లు అర‌వింద్ నిర్మాణ వ్య‌వ‌హారాల‌ను చూస్తుంటారు. అయితే ఆహాలో క్రిష్ కొత్త బాధ్య‌త‌ల‌ను చేప‌ట్టారు. అదేంటో కాదు.. నిర్మాణ బాధ్య‌త‌లు. స్క్రిప్ట్ వ్య‌వ‌హారాల‌తో పాటు ర‌న్ అనే వెబ్ సిరీస్‌కు క్రిష్ నిర్మాత‌గా వ్య‌వ‌హ‌రిస్తాడ‌ని ఇండ‌స్ట్రీ వ‌ర్గాల స‌మాచారం.

మ‌రో ప‌క్క ప‌వ‌ర్‌స్టార్ ప‌వ‌న్‌క‌ల్యాణ్ హీరోగా క్రిష్ ద‌ర్శ‌క‌త్వంలో ఓ పీరియాడిక‌ల్ మూవీ తెర‌కెక్కుతుంది. క‌రోనా ప్ర‌భావంతో షూటింగ్ ఆగింది. మొఘ‌ల్ కాలానికి చెందిన ఓ దొంగ క‌థ‌తో క్రిష్ ఈ సినిమాను తెర‌కెక్కిస్తున్నాడ‌ట‌. భారీ సెట్స్ కూడా సిద్ధం చేసుకున్న క్రిష్ ఈ ఏడాది ప్ర‌థ‌మార్థం ముగిసే లోపు ఈ సినిమా డైరెక్ష‌న్‌ను పూర్తి చేసేయాల‌నుకుంటున్నాడ‌ట‌. త‌ర్వాత వి.ఎఫ్‌.ఎక్స్ స‌హా ఇత‌ర పోస్ట్ ప్రొడ‌క్ష‌న్‌తో బిజీ కానున్నాడు. అన్నీ కార్య‌క్ర‌మాల‌ను పూర్తి చేసి సినిమాను దీపావ‌ళి సంద‌ర్భంగా విడుద‌ల చేయాల‌ని ప్లాన్ చేస్తున్నాడట క్రిష్‌.

Get Breaking News Alerts From IndiaGlitz