'కృష్ణగాడి వీర ప్రేమగాథ' ఆడియో రిలీజ్ డేట్
- IndiaGlitz, [Monday,January 11 2016]
నమో వెంకటేశ', దూకుడు', 1 నేనొక్కడినే', లెజెండ్', పవర్'(కన్నడం), ఆగడు', వంటి భారీ బడ్జెట్ చిత్రాలను నిర్మించిన ప్రముఖ నిర్మాణ సంస్థ 14 రీల్స్ ఎంటర్ టైన్ మెంట్ బ్యానర్ పై ప్రొడక్షన్ నెం7గా యంగ్ హీరో నాని, మెహరీన్(నూతన పరిచయం) హీరో హీరోయిన్లుగా రూపొందుతోన్న చిత్రం కృష్ణగాడి వీర ప్రేమగాథ'. విశాల్ చంద్రశేఖర్ సంగీతం అందించిన ఈ సినిమా ఆడియో విడుదల కార్యక్రమాన్ని జనవరి 18న విడుదల చేయనున్నారట. రీసెంట్ గా ఈ సినిమా ఫస్ట్ లుక్ కూడా రిలీజ్ చేశారు.
అందాల రాక్షసి వంటి డిఫరెంట్ లవ్ స్టోరీతో తెలుగు ప్రేక్షకులను మెప్పించిన యంగ్ డైరెక్టర్ హను రాఘవపూడి దర్శకుడిగా ఈ ఎగ్జయిటింగ్ ఎంటర్ టైనింగ్ లవ్ స్టోరి తెరకెక్కుతోంది. సినిమాను కూడా ఫ్రిభ్రవరి 5న విడుదల చేయడానికి సన్నాహాలు చేస్తున్నారట నిర్మాతలు. ప్రస్తుతం సినిమా చిత్రీకరణ తుదిదశకు చేరుకుంది. నిర్మాణాంతర కార్యక్రమాలు కూడా సమాంతరంగా జరుగుతున్నాయి.