இந்தியாவின் முதல் பெண் ஐபிஎஸ் அதிகாரியும் தற்போதைய புதுவை துணைநிலை ஆளுநருமான கிரண்பேடி சமீபத்தில் தனது சமூக வலைதளப் பக்கத்தில் பதிவு செய்த ஒரு கருத்து பெரும் சர்ச்சையை கிளப்பியுள்ளது.

சூரியனிலிருந்து வரும் சத்தம் தான் ’ஓம்’ என்றும் ஒலிக்கிறது என்று அவர் தனது சமூக வலைத்தளத்தில் பதிவு செய்த இந்த கருத்து ஏற்கனவே பலரால் கிண்டலடிக்கபடுகிறது. நடிகர் சித்தார்த் கூட கிண்டலாக ஒரு பதிவை பதிவு செய்துள்ளார் என்பதை ஏற்கனவே பார்த்தோம்.

இந்த நிலையில் இதுகுறித்து தற்போது நடிகையும் காங்கிரஸ் கட்சியின் செய்தி தொடர்பாளருமான குஷ்பு ஒரு கேள்வியை தனது டுவிட்டர் பக்கத்தில் எழுப்பியுள்ளார். கிரண்பேடி அவர்களிடம் குஷ்பு, ‘மேடம் உங்களிடம் நான் மரியாதையுடன் ஒரு சந்தேகத்தை விளக்கிக் கேட்க விரும்புகிறேன். அனைத்து தலைவர்களும் பாஜகவில் சேர்வதற்கு முன்பாக தங்களது மூளையை கழற்றி பாதுகாப்பாக வைத்துவிட்டு தான் கட்சியில் சேர்வீர்களா? என்று கேள்வி எழுப்பியுள்ளார். துணைநிலை ஆளுநரை குஷ்பு கேட்ட இந்த கேள்வி டுவிட்டர் இணையதளத்தில் வைரலாகி வருகிறது.

Mam with all due respect, I have a doubt. Do all BJP leaders take an oath to keep their brains and commonsense safely tucked away before joining the party?? ???????????????? https://t.co/USkZOlL4W1

— KhushbuSundar ❤️ (@khushsundar) January 4, 2020