பிரபல நடிகரை கட்டிப்பிடித்து அன்பை பரிமாறி கொண்ட குஷ்பு: வைரல் வீடியோ
- IndiaGlitz, [Thursday,August 25 2022]
பிரபல நடிகரை நடிகை குஷ்பு கட்டிப்பிடித்து அன்பை பரிமாறி கொண்ட வீடியோ அவரது இன்ஸ்டாகிராம் பக்கத்தில் பதிவு செய்யப்பட்டுள்ள நிலையில் அந்த பதிவு தற்போது வைரலாகி வருகிறது.
நடிகை குஷ்பு தமிழ் மட்டுமின்றி தெலுங்கு, கன்னடம், மலையாளம், இந்தி ஆகிய மொழிகளிலும் நடித்துள்ளார் என்பதும் தற்போது அவர் தயாரிப்பாளர் மற்றும் அரசியல்வாதி ஆக உள்ளார் என்பது தெரிந்ததே.
இந்த நிலையில் அவ்வப்போது தனது நீண்ட நாள் நண்பர்களை சந்தித்து அது குறித்த புகைப்படங்களை குஷ்பு பதிவு செய்து வருகிறார். அந்த வகையில் சமீபத்தில் அவர் மலையாள நடிகர் சுரேஷ் கோபியை சந்தித்துள்ளார். இருவரும் இணைந்து மலையாள தனியார் தொலைக்காட்சி ஒன்றுக்காக ஓணம் ஸ்பெஷல் நிகழ்ச்சியில் கலந்து கொண்ட நிலையில் இந்த நிகழ்ச்சியின் போது இருவரும் சந்தித்துக் கொண்டனர்.
அப்போது நடிகை குஷ்பு நடிகர் சுரேஷ் கோபியை கட்டிப்பிடித்து தனது அன்பை பரிமாறி கொண்டார். இதுகுறித்த வீடியோவை அவர் தனது இன்ஸ்டாகிராமில் பதிவு செய்து, ‘எனது மிகச் சிறந்த நண்பர் சுரேஷ் கோபி அவர்களுடன் நீண்ட நாட்களுக்கு பிறகு நேரத்தை செலவிடுவது மகிழ்ச்சிக்குரியதாக உள்ளது’ என்று அவர் கூறியுள்ளார்.
சுரேஷ்கோபி மற்றும் குஷ்பு இணைந்து ’அனுபூதி’, ‘யாதவம்’ உள்ளிட்ட ஒருசில மலையாள படங்களில் நடித்துள்ளனர் என்பது குறிப்பிடத்தக்கது.