விபத்தில் சிக்கிய குஷ்பு !
- IndiaGlitz, [Wednesday,November 18 2020]
சமீபத்தில் பாரதிய ஜனதா கட்சியில் இணைந்த நடிகை குஷ்பூ அக்கட்சியில் சுறுசுறுப்பாக பணியாற்றி வருவதாக தகவல்கள் வெளிவந்து கொண்டிருக்கின்றன. இந்த நிலையில் கடந்த சில நாட்களாக பாஜகவினர் வேல் யாத்திரை நடத்தி வருகின்றனர் என்பதும் இந்த யாத்திரையால் தமிழகத்தில் பெரும் பரபரப்பு ஏற்பட்டு உள்ளது என்பதும் தெரிந்ததே
இந்த நிலையில் கடலூரில் நடைபெறும் வேல் யாத்திரையில் பங்கேற்க நடிகை குஷ்பு தனது காரில் சென்னையில் இருந்து சென்றார். அப்போது அவருடைய கார் செங்கல்பட்டு அருகே சென்றுகொண்டிருந்தபோது திடீரென கண்டெய்னர் லாரி மீது மோதியதால் விபத்து ஏற்பட்டது
இந்த விபத்தில் குஷ்புவுக்கு லேசான காயம் ஏற்பட்டுள்ளதாக தகவல்கள் வெளிவந்துள்ளது. இந்த விபத்து குறித்து பேட்டி கொடுத்த நடிகை குஷ்பு ’நான் நலமாக இருக்கிறேன் என்றும் இந்த விபத்து குறித்து போலீஸ் விசாரணை நடைபெற்று வருகிறது என்றும் முருகன் தான் என்னை காப்பாற்றி விட்டார்’ என்றும் தெரிவித்துள்ளார். பாஜக பிரமுகர் குஷ்பு சென்ற கார் விபத்தில் சிக்கிய சம்பவம் பெரும் பரபரப்பை ஏற்படுத்தி உள்ளது