ஒரே ஷாட்டில் நேற்று காலமான கே.வி.ஆனந்த் & செல்லத்துரை: வைரல் புகைப்படம்
- IndiaGlitz, [Saturday,May 01 2021]
பிரபல இயக்குனர் மற்றும் ஒளிப்பதிவாளர் கேவி ஆனந்த் நேற்று திடீரென மாரடைப்பு காரணமாக காலமானது தமிழ் திரையுலகை அதிர வைத்தது என்பது தெரிந்தது. அவருக்கு ரஜினிகாந்த், கமல்ஹாசன், சூர்யா, சிம்பு உள்பட திரையுலக பிரபலங்கள் அனைவரும் இரங்கல் தெரிவித்தனர் என்பது குறிப்பிடத்தக்கது.
இந்த நிலையில் நேற்று சீனியர் நடிகர் செல்லத்துரை அவர்களும் காலமானார் என்ற செய்தி அனைவரையும் அதிர்ச்சிக்குள்ளாக்கியுள்ளது. ஒரே நேரத்தில் திரையுலகம் இருவரை இழந்தது என்பது மிகப்பெரிய சோகமான சம்பவம் ஆகும்.
இந்த நிலையில் தற்போது ஒரு டைட்டில் கார்டு புகைப்படம் சமூக வலைதளங்களில் வைரல் ஆகி வருகிறது. ரஜினிகாந்த் நடிப்பில் ஷங்கர் இயக்கிய ’சிவாஜி’ திரைப்படத்தின் டைட்டில் கார்டு தான் அந்த புகைப்படம். அதில் ஒளிப்பதிவு இயக்குனர் கேவி ஆனந்த் என்று டைட்டில் வரும் போது அதன் பின்னணியில் நடிகர் செல்லதுரை சிறையில் இருக்கும் காட்சி உள்ளது. இந்த புகைப்படத்தை பார்த்த ரசிகர்கள் ’ஒரே ஷாட்டில் தோன்றிய இருவரும் ஒரே நாளில் மரணம் அடைந்துள்ளது எதிர்பாராத ஒற்றுமை’ என்று கமெண்ட்ஸ் அளித்து வருகின்றனர். மேலும் இதே திரைப்படத்தில் முக்கிய வேடத்தில் நடித்த விவேக் அவர்களும் சமீபத்தில் காலமானார் என்பதும் குறிப்பிடத்தக்கது.