சமூக நலனுக்காக நீச்சல் உடையில் இணைந்த டைட்டானிக் ஜோடி
- IndiaGlitz, [Thursday,August 17 2017]
உலகின் மிகச்சிறந்த சினிமா ஜோடிகளில் ஒன்று டைட்டானிக் படத்தில் நடித்த டிகேப்ரியோ மற்றும் கேட் வின்ஸ்லெட் ஜோடி. இந்த படத்தில் இருவருமே ஜாக் மற்றும் ரோஸ் கதாபாத்திரங்கள் நடித்தார்கள் என்று சொல்வதைவிட வாழ்ந்தார்கள் என்று கூறுவதே பொருத்தமாக இருக்கும். இந்த படம் டைட்டானிக் கப்பல் மூழ்குவது குறித்த கதை என்றாலும் இந்த படத்தின் மிகப்பெரிய வெற்றிக்கு ஜாக் மற்றும் ரோஸ் காதல் காட்சிகளே காரணம்
இந்த நிலையில் இந்த படத்தில் நடித்த பின்னர் இருவருக்கும் வேறு வேறு நபர்களுடன் திருமணம் ஆனாலும் கடந்த 20 வருடங்களாக தங்களது நட்பை தொடர்ந்து வருகின்றனர். இந்த நிலையில் சமீபத்தில் பிரான்ஸ் நாட்டில் செயிண்ட் ட்ரோப்ஸ் (Saint Tropez) என்ற பகுதியில் நடந்த சுற்றுச்சூழல் நிகழ்ச்சி ஒன்றில் கலந்து கொண்டு போஸ் கொடுத்தனர்.
அதுமட்டுமின்றி இந்த நிகழ்ச்சி முடிந்ததும் இருவரும் ஜாலியாக லியோவின் எஸ்டேட் சென்று அங்குள்ள நீச்சல் குளத்தில் சந்தோஷமாக பொழுதை போக்கினர். அங்கு இந்த ஜோடி தங்களின் 20 ஆண்டுகால நட்பு குறித்த மலரும் நினைவுகளை ஒருவருக்கொருவர் பரிமாறி புதுப்பித்தும் கொண்டனர். நீச்சல் குளத்தில் இருவரும் இணணந்து எடுத்த புகைப்படங்கள் தற்போது இணையத்தில் வைரலாகி வருகிறது.