రాంచరణ్, శంకర్ సినిమాకు లైన్ క్లియర్.. హైకోర్టు నుంచి బిగ్ రిలీఫ్
- IndiaGlitz, [Saturday,July 03 2021]
పాన్ ఇండియా డైరెక్టర్ శంకర్ ఇండియన్ 2 చిత్రం ప్రారంభించినప్పటి నుంచి అనేక చిక్కులు మొదలయ్యాయి. ఈ ప్రాజెక్ట్ కు అడుగడుగునా అడ్డంకులే తగులుతున్నాయి. నిర్మాతలతో వివాదం కారణంగా శంకర్ ఇండియన్ 2 చిత్రాన్ని పక్కన పెట్టేశారు.
టాలీవుడ్ స్టార్ ప్రొడ్యూసర్ దిల్ రాజు నిర్మాణంలో మెగా పవర్ స్టార్ రాంచరణ్ హీరోగా శంకర్ పాన్ ఇండియా చిత్రాన్ని ప్రకటించిన సంగతి తెలిసిందే. ఆర్ఆర్ఆర్ ఫినిష్ కాగానే ఈ క్రేజీ కాంబోలో చిత్రం మొదలవుతుందని వార్తలు వచ్చాయి. అయితే ఇండియన్ 2 చిత్ర నిర్మాతలు లైకా సంస్థ శంకర్ పై హైకోర్టులో పిటిషన్ వేసిన సంగతి తెలిసిందే.
ఇదీ చదవండి: బ్రేకింగ్: విడిపోయిన అమీర్ ఖాన్, కిరణ్ రావు దంపతులు.. షాక్ లో బాలీవుడ్
తమ ఇండియన్ 2 చిత్రాన్ని పూర్తి చేసే వరకు శంకర్ మరో చిత్రం చేయకుండా అడ్డుకోవాలని లైకా సంస్థ కోర్టుని కోరింది. దీనితో శంకర్, రాంచరణ్ సినిమా ఆలస్యం కాక తప్పదు అనే ఊహాగానాలు వినిపించాయి. లైకా నిర్మాతలు కోర్టుకి వెళ్లడంతో శంకర్ ఇండియన్ 2 చిత్రం పూర్తి చేయవలసిందే అని అంతా భావించారు.
కానీ తాజాగా మద్రాసు హైకోర్టులో శంకర్ కు బిగ్ రిలీఫ్ లభించింది. శంకర్ మరో సినిమా చేయకుండా అడ్డుకోవాలని లైకా సంస్థ వేసిన పిటిషన్ ని కోర్టు కొట్టేసింది. అలా అడ్డుకోవడం కుదరదని తేల్చి చెప్పింది. కోర్టు ప్రకటనతో శంకర్, రాంచరణ్ ల చిత్రానికి లైన్ క్లియర్ అయినట్లు అయింది.
కోర్టు తాజాప్రకటనతో చరణ్,శంకర్ సినిమా ప్రారంభం గురించి కూడా ఊహాగానాలు మొదలైపోయాయి. ఈ చిత్రం సెప్టెంబర్ లో లాంచ్ అయ్యే అవకాశాలు ఉన్నట్లు వార్తలు వస్తున్నాయి.