சமீபத்தில் வெளியான ‘லப்பர் பந்து’ என்ற திரைப்படத்தில் கெத்து என்ற கேரக்டரில் அற்புதமாக நடித்த தினேஷுக்கு அடுத்தடுத்து திரைப்பட வாய்ப்புகள் கிடைத்து வரும் நிலையில், தற்போது அவர் ’கருப்பு பல்சர்’ என்ற திரைப்படத்தில் நடித்து வருவதாகவும், இந்த படமும் ‘லப்பர் பந்து’ போலவே அவருக்கு ஒரு மிகப்பெரிய வெற்றி படமாக அமையும் என்றும் கூறப்படுகிறது.

அறிமுக இயக்குனர் முரளி கிருஷ் இயக்கத்தில் உருவாகி வரும் திரைப்படம் ’கருப்பு பல்சர்’. இந்த படத்தில் கெத்து தினேஷ் ஜல்லிக்கட்டு வீரராக நடிக்கும் நிலையில், அவர் ஜல்லிக்கட்டு காளை அடக்குவதால் கருப்பு பல்சர் பரிசாக கிடைக்கிறது. அந்த பல்சர் பைக் ஏற்படும் ட்விஸ்டுகள், அதன் பின்னர் அவர் சென்னைக்கு வருவது, அங்கே இன்னொரு தினேஷை பார்ப்பது, அதன் பின்னர் ஏற்படும் திருப்பம் தான் த படத்தின் கதை என்று இயக்குனர் முரளி கிருஷ் தெரிவித்துள்ளார். 23 நாட்களில் இந்த படத்தின் முழு படப்பிடிப்பையும் முடித்து விட்டதாகவும், தினேஷ் கொடுத்த ஒத்துழைப்பு இல்லாமல் இது சாத்தியமே இல்லை என்றும் அவர் தெரிவித்தார்.

’ரசவாதி’ படத்தில் நடித்த ரேஷ்மா வெங்கட் மற்றும் மதுநிகா ஆகிய இருவரும் இந்த படத்தில் நாயகிகளாக நடித்து வருகிறார்கள் என்றும், நிச்சயம் இருவருக்கும் இந்த படம் ஒரு திருப்புமுனையாக இருக்கும் என்றும் இயக்குனர் முரளி கிருஷ் தெரிவித்துள்ளார்.