తాజాగా విడుదలైన "LYF - Love Your Father" చిత్రం ట్రైలర్ ప్రేక్షకుల మనసులను ఆకట్టుకుంటుంది. ఈ ట్రైలర్ ఒక్కసారిగా భారీ అంచనాలను పెంచింది. తండ్రి-కొడుకుల అనుబంధాన్ని భావోద్వేగపూరితంగా చిత్రీకరించినట్లు కనిపిస్తుంది. SP చరణ్, శ్రీ హర్ష, కషిక కపూర్ ప్రధాన పాత్రల్లో నటిస్తున్న ఈ చిత్రాన్ని పవన్ కేతరాజు దర్శకత్వంలో మనీషా ఆర్ట్స్ అండ్ మీడియా, అన్నపరెడ్డి స్టూడియోస్ నిర్మించాయి. ఏప్రిల్ 4న విడుదల కానున్న ఈ సినిమా ట్రైలర్‌తోనే దృష్టిని ఆకర్షించింది.

మణిశర్మ సంగీతం ట్రైలర్‌లో ప్రత్యేక ఆకర్షణగా నిలిచింది. ఆయన స్కోర్ కథకు లోతైన భావోద్వేగాన్ని జోడించింది. ట్రైలర్ లో హర్ష నటన చాలా అద్భుతంగా కనిపిస్తుంది. కాశీలోని పోరాట సన్నివేశాలు, అఘోరా సీన్స్ గూస్‌బంప్స్ తెప్పిస్తున్నాయి. తండ్రి పాత్రలో SP చరణ్ చాలా బాగా ఆకట్టుకుంటున్నారు. కషిక కపూర్ సహజ నటనతో మెప్పిస్తుంది. ట్రైలర్ ఒక చిన్న ఘటన నుండి భావోద్వేగ ప్రయాణంగా మారే కథనాన్ని సూచిస్తుంది.

శ్యామ్ కే నాయుడు సినిమాటోగ్రఫీ ట్రైలర్‌ను ఆకర్షణీయంగా మార్చింది. విజువల్స్ అద్భుతంగా ఉన్నాయి. ఈ చిత్రం తండ్రి పట్ల ప్రేమను, ఆశీస్సుల విలువను తెలియజేసే సందేశాత్మక కథనం కలిగి ఉంది. సన్నివేశాలు ఎమోషనల్ డ్రామాతో పాటు ఆలోచింపజేసే సందేశాన్ని అందిస్తున్నాయి. అలా ట్రైలర్ కొత్త అనుభూతిని ఇస్తుంది.

ఈ సినిమా వినోదంతో పాటు జీవిత విలువలను గుర్తుచేసే చిత్రంగా కనిపిస్తుంది. ట్రైలర్ చూస్తే సినిమా విజయం ఖాయమనిపిస్తుంది. తండ్రి-కొడుకుల బంధం గొప్పతనాన్ని ఆస్వాదించాలనుకునే వారికి ఈ చిత్రం అద్భుతమైన ఎంపిక కానుంది.