’மதகஜ ராஜா’ ரிலீஸ் ஆனதால், சுந்தர் சி இயக்கத்தில் தான் நடிக்க வேண்டிய ஒரு படம் தாமதம் ஆகிவிட்டதாக சமீபத்தில் ஜீவா அளித்த பேட்டியில் தெரிவித்துள்ளார்.

சுந்தர் சி இயக்கத்தில் விஷால், அஞ்சலி, வரலட்சுமி, சந்தானம் உள்பட பலர் நடித்த ’மதகஜ ராஜா’ என்ற திரைப்படம் பல ஆண்டுகளாக ரிலீஸ் ஆகாமல் முடங்கி கிடந்த நிலையில், சமீபத்தில் இந்த படம் ரிலீஸ் ஆனது. மேலும், 50 கோடிக்கு ரூபாய்க்கும் அதிகமாக வசூல் செய்து சாதனை செய்தது என்பதும் தெரிந்தது.

இந்த நிலையில், ’மதகஜ ராஜா’ படம் ரிலீஸ் ஆக வாய்ப்பே இல்லை என்று முடிவு செய்து, அந்த படத்தில் உள்ள ஒரு போர்ஷனை எடுத்து டெவலப் செய்து ’கலகலப்பு 3’ உருவாக்கலாம் என்று சுந்தர் சி முடிவு செய்ததாகவும், அந்த படத்தில் நான் நடிக்கவிருந்த நிலையில், ’மதகஜ ராஜா’ ரிலீஸ் ஆனதால் தற்போது அந்த திட்டம் கைவிடப்பட்டு ’கலகலப்பு 3’ படத்திற்காக வேறு கதையை சுந்தர் சி தேடிக்கொண்டிருக்கிறார் என்றும் ஜீவா அந்த பேட்டியில் தெரிவித்துள்ளார்.

"கண்டிப்பாக ’கலகலப்பு 3’ திரைப்படத்தில் தான் நடிப்பேன். சுந்தர் சி இயக்கத்தில், குஷ்பு அவர்கள் தயாரிப்பு நிறுவனத்தில் நடிப்பது என்பது ஒரு நல்ல அனுபவமாக இருக்கும்" என்றும் அவர் தெரிவித்தார்.