'தளபதி 66' படத்தில் இந்த சூப்பர் ஸ்டார் மகள் நடிக்கின்றாரா?
- IndiaGlitz, [Tuesday,October 05 2021]
தளபதி விஜய் தற்போது நடித்து கொண்டிருக்கும் ’பீஸ்ட்’ படத்தின் படப்பிடிப்பு விறுவிறுப்பாக நடைபெற்று வரும் நிலையில் அவரது அடுத்த படம் குறித்த அதிகாரப்பூர்வ அறிவிப்பு சமீபத்தில் வெளிவந்தது என்பது தெரிந்ததே.
தளபதி விஜய்யின் அடுத்த திரைப்படமான ’தளபதி 66’ திரைப்படத்தை பிரபல தெலுங்கு இயக்குனர் வம்சி இயக்கிய இருப்பதாகவும், பிரபல தெலுங்கு தயாரிப்பாளர் தில் ராஜூ தயாரிப்பதாகவும் அறிவிக்கப்பட்டு இருந்தது என்பதும் இந்த படத்தின் படப்பிடிப்பு அடுத்த ஆண்டு தொடங்கும் என்றும் கூறப்பட்டது.
இந்த நிலையில் தற்போது வெளிவந்துள்ள தகவலின்படி ’தளபதி 66’ திரைப்படத்தில் தளபதி விஜய்யின் மகளாக ஒரு சூப்பர் ஸ்டாரின் மகள் நடிக்க இருப்பதாக தகவல் வந்துள்ளது. அவர்தான் தெலுங்கு திரையுலகின் முன்னணி நடிகரான மகேஷ்பாபு மகள் என்றும் இதற்கான பேச்சுவார்த்தைகள் நடத்தப்பட்டு வருவதாகவும் கூறப்படுகிறது.
ஏற்கனவே விஜய் நடித்த ’தெறி’ திரைப்படத்தில் விஜய்யின் மகள் கேரக்டரில் மீனாவின் மகள் நைனிகா நடித்திருந்தார் என்பது தெரிந்ததே. அதே போல் இந்த படத்தில் மகேஷ்பாபு மகள் நடிப்பாரா என்பதை பொறுத்திருந்து பார்ப்போம்.
மேலும் ’தளபதி 66’ திரைப்படம் ஒரு சென்டிமென்ட் கதை என்றும் குடும்ப கதையம்சம் கொண்டது என்றும் நீண்ட இடைவெளிக்கு பின்னர் ஆக்ஷன் என்ற பாதையில் இருந்து விலகி குடும்ப சென்டிமென்ட் கதையில் விஜய் நடிக்க உள்ளார் என்றும் கூறப்பட்டு வருகிறது.