దీపికా పాట‌కు మ‌హేశ్ కుమార్తె డ్యాన్స్
- IndiaGlitz, [Monday,October 28 2019]
టాలీవుడ్ తార‌లు దీపావ‌ళి పండుగ‌ను ఘ‌నంగా సెల‌బ్రేట్ చేసుకున్నారు. సోష‌ల్ మీడియా ద్వారా అంద‌రికీ శుభాకాంక్ష‌ల‌ను కూడా అంద‌జేశారు. అయితే వీటన్నింటితో పాటు మ‌హేశ్ ఫ్యామిలీ నుండి మాత్రం మ‌రో స్పెష‌ల్ అభిమానుల‌కు ద‌క్కింది. అదేంటంటే.. మ‌హేశ్ కుమార్తె సితార డ్యాన్స్ వీడియో. ర‌ణ‌వీర్ సింగ్‌, దీపికా ప‌దుకొనె కాంబినేషన్‌లో వ‌చ్చిన 'రామ్‌లీల' చిత్రంలో 'డోల్ బాజే....' సాంగ్‌కు సితార డ్యాన్స్ చేసింది. ఈ డ్యాన్స్‌ను చిత్రీక‌రించిన న‌మ్ర‌తా శిరోద్క‌ర్, ఆ వీడియోను త‌న ఇన్‌స్టాగ్రామ్‌లో పోస్ట్ చేసింది. 'కొత్త గాగ్రాలో సితార డ్యాన్స్. ఈ దీపావ‌ళికి మీ అంద‌రికీ చిన్న ట్వీట్‌. మీ దీపావ‌ళి మరిన్ని సంతోషాల‌ను అందించాలి'' అంటూ మెసేజ్ పోస్ట్ చేశారు. ఈ వీడియో చూసిన సినీ సెల‌బ్రిటీలు, నెటిజ‌న్స్ సితార‌ను అభినందించారు. ఈ వీడియో ప్ర‌స్తుతం సోష‌ల్ మీడియాలో వైర‌ల్ అవుతుంది.
మ‌హేశ్ ప్ర‌స్తుతం 'సరిలేరు నీకెవ్వ‌రు' సినిమాతో బిజీగా ఉన్నారు. ఏమాత్రం ఖాళీ ఉన్నా మ‌హేశ్ త‌న కుటుంబంతో స‌మ‌యం గ‌డుపుతుంటారు. ముఖ్యంగా పిల్లల‌కు సంబంధించిన వీడియోల‌ను న‌మ్ర‌త పోస్ట్ చేస్తుంటారు. ఇప్పుడు దీపావ‌ళికి కూడా అలాంటి ఈ డ్యాన్స్ వీడియో పోస్ట్ చేశారు. సితార డ్యాన్స్ చాలా చ‌క్క‌గా చేసిందని ఆ వీడియో చూసిన వారు ఎవ‌రైనా అభినందించాల్సిందే.