మహేష్ మూవీ మొదలైంది..
- IndiaGlitz, [Friday,July 29 2016]
సూప‌ర్ స్టార్ మహేష్ - క్రేజీ డైరెక్ట‌ర్ మురుగుదాస్ కాంబినేష‌న్ లో రూపొందుతున్నభారీ చిత్రం ఈరోజు ప్రారంభ‌మైంది. ఈ చిత్రాన్ని ఠాగూర్ మ‌ధు, ఎన్.వి.ప్ర‌సాద్ సంయుక్తంగా నిర్మిస్తున్నారు. ఈ చిత్రంలో మహేష్ స‌ర‌స‌న ర‌కుల్ ప్రీత్ సింగ్ నటిస్తుంది. అన్నపూర్ణ స్టూడియోస్ లో దేవుని ప‌టాల పై చిత్రీక‌రించిన ముహుర్త‌పు స‌న్నివేశానికి మురుగుదాస్ కెమెరా స్విచాన్ చేసారు.
రేప‌టి నుంచి ఆగ‌ష్టు 13 వ‌ర‌కు ఫ‌స్ట్ షెడ్యూల్ షూటింగ్ చేయ‌నున్నారు. ఈ చిత్రంలో మహేష్ ఇంటిలిజెన్స్ ఆఫీస‌ర్ గా న‌టిస్తున్నారు. ఈ మూవీ కోసం అన్నపూర్ణ స్టూడియోలో భారీ సెట్ రెడీ చేసారు. ఈ మూవీలో డైరెక్ట‌ర్ ఎస్.జె.సూర్య విల‌న్ గా న‌టిస్తుండ‌డం విశేషం. ఆగ‌ష్టు 9న మహేష్ పుట్టిన‌రోజు సంద‌ర్భంగా ఫ‌స్ట్ లుక్ రిలీజ్ చేయ‌నున్న‌ట్టు స‌మాచారం.