మహేష్ సరికొత్త రికార్డ్...
- IndiaGlitz, [Tuesday,April 19 2016]
సూపర్ స్టార్ మహేష్ హీరోగా శ్రీకాంత్ అడ్డాల దర్శకత్వంలో పివిపి బ్యానర్ పై రూపొందుతోన్న చిత్రం బ్రహ్మోత్సవం. ఈ సినిమా మే 1న ఆడియో విడుదల జరుపుకోనుంది. సినిమాను మే 13 విడుదల చేయాలని అనుకుంటున్నారు కానీ ప్రస్తుతం వినిపిస్తున్న వార్తల ప్రకారం సినిమా విడుదల మే 20 లేదా 27న కానీ ఉండవచ్చు.
అయితే సినిమా బిజినెస్ విషయంలో దూసుకెళుతుంది. లెటెస్ట్ గా ఈ సినిమా శాటిలైట్ హక్కులను జీటీవీ వారు 20 కోట్ల రూపాయలను చెల్లించి చేజిక్కించుకున్నారని వార్తలు వినపడుతున్నాయి. ఒకవేళ ఇది నిజమైతే బాహుబలి తర్వాత ఆ రేంజ్ శాటిలైట్ హక్కులను దక్కించుకున్న చిత్రమిదే అవుతుంది. ఓ రకంగా చెప్పాలంటే మహేష్ ఓ రికార్డ్ ను క్రియేట్ చేసినట్టే అవుతుంది.