మహేష్ కొత్త సినిమా టైటిల్
- IndiaGlitz, [Tuesday,June 28 2016]
సూపర్ స్టార్ మహేష్ తన తదుపరి చిత్రానికి రెడీ అయిపోతున్నాడు. ఎన్.వి.ప్రసాద్ నిర్మాతగా భారీ బడ్జెట్ తో రూపొందనున్న ఈ చిత్రాన్ని ఎ.ఆర్.మురగదాస్ తెరకెక్కించబోతున్నాడు. హరీష్ జైరాజ్‌ ఈ చిత్రానికి సంగీతం అందిస్తాడు. ఈ చిత్రంలో మహేష్ సిబిఐ ఆఫీసర్ గా కనిపిస్తాడని వార్తలు కూడా వినిపిస్తుంటే మ‌రి కొంద‌రేమో మహేష్ రా ఆఫీస‌ర్‌గా క‌నిపిస్తున్నాడ‌ని అంటున్నారు. ఈ సినిమాలో మహేష్ కొత్త లుక్‌లో ద‌ర్శ‌న‌మిస్తాడ‌ని అంటున్నారు. ముందు సాంగ్ చిత్రీక‌ర‌ణ‌తో సినిమా ప్రారంభం అవుతుంద‌ని అంటున్నారు. తాజా స‌మాచారం ప్ర‌కారం ఈ చిత్రానికి వాస్కోడిగామా అనే టైటిల్‌ను ప‌రిశీలిస్తున్నార‌ని స‌మాచారం. మ‌రి ఈ విష‌యంపై క్లారిటీ రావాలంటే కొన్ని రోజులు వెయిట్ చేయాల్సిందే..