அஜித்துக்கு ரசிகராக மாறிய பிரபல மலையாள நடிகர்
- IndiaGlitz, [Tuesday,January 05 2016]
தல அஜித்தின் பெயர் மற்றும் படக்காட்சிகளை தங்கள் படங்களில் பயன்படுத்தி புரமோஷன் செய்யும் கோலிவுட் நடிகர்கள் பலரை நாம் பார்த்துள்ளோம். அதுமட்டுமின்றி கோலிவுட்டில் இளையதலைமுறை நடிகர்கள் பலர் அஜித்தின் தீவிர ரசிகர்களாக இருக்கின்றனர் என்பதும் அனைவரும் அறிந்த உண்மை. இந்நிலையில் கோலிவுட் நடிகர்கள் மட்டுமின்றி நமது பக்கத்து மாநிலமான கேரள மாநிலத்தில் உள்ள நடிகர் ஒருவரும் அஜித்தின் தீவிர ரசிகர் என்ற தகவல் தற்போது கிடைத்துள்ளது.
கடந்த சில வருடங்களாக மலையாள திரையுலகில் வெற்றி நடைபோட்டு வருபவரும் தமிழில் தனுஷ் நடித்த 'சீடன்' படத்தில் நடித்தவருமான நடிகர் உன்னிமுகுந்தன் சமீபத்தில் அளித்த ஒரு பேட்டியில் தான் ஒரு தீவிரமான அஜித் ரசிகர் என்று ஒப்பனாக கூறியுள்ளார்.
கேரளாவில் சூப்பர் ஸ்டார்களாக மம்முட்டி, மோகன்லால் ஆகியோர் பெரும்புகழுடன் இருக்கும் நிலையில் இளையதலைமுறை மலையாள நடிகர் ஒருவர் தமிழ் நடிகர் அஜித்தை தன்னுடைய விருப்பத்திற்குரிய நடிகர் என்று கூறியிருப்பது அனைவரையும் ஆச்சரியத்தை ஏற்படுத்தியுள்ளதாக கூறப்படுகிறது.