பிரபல மலையாள நடிகை மமிதா பாஜூ நடித்த ஒரே ஒரு படம் சூப்பர் ஹிட் படமான ‘பிரேமலு’ வெற்றி பெற்றதை தொடர்ந்து, தற்போது அவர் தமிழின் முன்னணி நடிகைகளின் பட்டியலில் இடம் பெற்றுள்ளதாக தகவல் வெளியாகியுள்ளது.

ஏற்கனவே, தளபதி விஜய் நடிக்கும் ’ஜனநாயகன்’ திரைப்படத்தில் ஒரு முக்கியக் கதாபாத்திரத்தில் மமிதா பாஜூ நடித்து வருகிறார். மேலும், சூர்யாவின் 46வது திரைப்படத்திலும் அவர் நடிக்க உள்ளார். சூர்யா நடிப்பில் வெங்கி அட்லூரி இயக்கத்தில் உருவாகும் இந்த படத்தில், மமிதா பாஜூ நாயகியாக நடிக்க உள்ளார் என்றும், இதற்கான பேச்சுவார்த்தைகள் முடிவடைந்து விட்டதாகவும் கூறப்படுகிறது.

மேலும் தனுஷ் நடிப்பில் ‘போர் தொழில்’ விக்னேஷ் ராஜா இயக்கத்தில் உருவாக இருக்கும் படத்திலும் நடிக்க மமிதா பாஜூ ஒப்பந்தமாகியுள்ளார் என செய்திகள் வெளியானது.

அதுமட்டுமின்றி, பிரதீப் ரங்கநாதன் நடிப்பில் உருவாகும் அடுத்த படத்திலும் மமிதா பாஜூ நாயகியாக நடிக்க உள்ளார். ஏற்கனவே, விஷ்ணு விஷால் நடிப்பில் உருவாகி வரும் ‘ரெண்டு வானம் என்ற திரைப்படத்திலும் அவர் நாயகியாக நடித்து வருகிறார்.

தமிழில் இவர் நடித்த ஒரே படமான ’ரிபெல்’ எதிர்பார்த்த வெற்றி பெறவில்லை என்றாலும், தற்போது விஜய், சூர்யா, தனுஷ், பிரதீப் ரங்கநாதன் போன்ற முன்னணி நடிகர்களுடன் நடித்து வருகிறார்.

இந்த படங்கள் அனைத்தும் வெற்றி பெற்றால், தமிழில் அவர் நம்பர் ஒன் நடிகையாக மாறிவிடுவார் என அவரது ரசிகர்கள் வாழ்த்துக்களை தெரிவித்து வருகின்றனர்.