ర‌వితేజ‌తో మ‌ణిర‌త్నం హీరోయిన్?
- IndiaGlitz, [Sunday,July 14 2019]
'చెలియా'(త‌మిళంలో 'కాట్రు వెలియ‌డు') సినిమాతో పాటు తెలుగులో 'స‌మ్మోహ‌నం' సినిమాతో తెలుగు ప్రేక్ష‌కుల‌కు హీరోయిన్ అదితిరావు హైద‌రి సుప‌రిచిత‌మే. హిందీలోనూ 'ఢిల్లీ 6', 'రాక్‌స్టార్' స‌హా పలు చిత్రాల్లో న‌టించింది అక్క‌డి ప్రేక్ష‌కుల‌నూ ఆక‌ట్టుకుంది. ఇప్పుడు తెలుగులో నాని హీరోగా ఇంద్ర‌గంటి మోహ‌న‌కృష్ణ తెర‌కెక్కిస్తోన్న 'వి' సినిమాలో హీరోయిన్‌గా న‌టిస్తుంది.
కాగా.. ఇప్పుడు మ‌రో తెలుగు సినిమాలో ఈమె న‌టించ‌నుంద‌ని వార్త‌లు విన‌ప‌డుతున్నాయి. వివ‌రాల్లోకెళ్తే.. ర‌వితేజ హీరోగా అజ‌య్ భూప‌తి ద‌ర్శ‌క‌త్వంలో 'మ‌హాస‌ముద్రం'(విన‌ప‌డుతున్న టైటిల్) పేరుతో ఓసినిమా రూపొంద‌నుంది. ఇందులో హీరోయిన్‌గా అదితిరావు హైద‌రిని న‌టింప చేసే ప్ర‌య‌త్నాలు జ‌రుగుతున్నాయని టాక్‌. సెప్టెంబ‌ర్‌లో ఈ సినిమా స్టార్ట్ అవుతుంద‌ట.