விஜய்சேதுபதியின் 'துக்ளக் தர்பாரில்' இணைந்த இளம் நடிகை!
- IndiaGlitz, [Monday,August 05 2019]
மக்கள் செல்வன் விஜய்சேதுபதியின் அரசியல் த்ரில் திரைப்படமான 'துக்ளக் தர்பார்' என்ற திரைப்படத்தின் பூஜை சமீபத்தில் நடைபெற்று, படப்பிடிப்பும் தொடங்கியது என்பதை ஏற்கனவே பார்த்தோம். 7ஸ்க்ரீன் ஸ்டுடியோஸ் மற்றும் வயாகாம் 18 ஸ்டுடியோஸ் நிறுவனங்கள் இணைந்து தயாரிக்கும் இந்தப் படத்தை டெல்லிபிரசாத் தீனதயாள் என்பவர் இயக்கி வருகிறார். கோவிந்த் வசந்தா இசையமைக்கும் இந்த படத்திற்கு இயக்குனர் பாலாஜி தரணிதரன் வசனம் எழுதுகிறார் என்பதையும், இந்த படத்தில் ஒரு முக்கிய கேரக்டரில் நடிகர் பார்த்திபன் நடிக்க உள்ளார் என்பதையும் ஏற்கனவே பார்த்தோம்.
இந்த நிலையில் இந்த படத்தின் ஒரு முக்கிய கேரக்டரில் நடிக்க பிரபல இளம் நடிகை மஞ்சிமா மோகன் ஒப்பந்தம் செய்யப்பட்டுள்ளார். இது குறித்த அறிவிப்பை தற்போது தயாரிப்பு தரப்பு வெளியிட்டுள்ளது. இந்த படத்தில் ஏற்கனவே விஜய்சேதுபதிக்கு ஜோடியாக அதிதிராவ் ஹைத்ரி நடிக்கவுள்ளதாக செய்திகள் வெளிவந்த நிலையில் தற்போது மஞ்சிமாவுக்கு என்ன கேரக்டர் என்ற எதிர்பார்ப்பு ஏற்பட்டுள்ளது.
மேலும் மஞ்சிமா மோகன் ஏற்கனவே சமீபத்தில் அருள்நிதி-ஜீவா இணைந்து நடிக்கும் 'களத்தில் சந்திப்போம்' என்ற திரைப்படத்திலும் நடிக்க ஒப்பந்தம் ஆனார் என்பது தெரிந்ததே.