மாஸ்டர் நாயகி கிடைத்த பாலிவுட் வாய்ப்பு: பரபரப்பு தகவல்
- IndiaGlitz, [Tuesday,March 03 2020]
தளபதி விஜய் நடித்து முடித்துள்ள ’மாஸ்டர்’ திரைப்படத்தில் நாயகியாக நடித்த மாளவிகா மோகனன் ஏற்கனவே ரஜினிகாந்த் நடித்த ’பேட்ட’ படத்தில் நடித்திருந்தார் என்பது குறிப்பிடத்தக்கது. இந்த நிலையில் ’மாஸ்டர்’ படத்திற்கு பின் அவருக்கு வாய்ப்புகள் குவியும் என்று எதிர்பார்க்கப்பட்டது. எதிர்பார்த்தது போலவே முன்னணி நடிகர்களுடன் நடிக்க மாளவிகா மோகனன் பேச்சுவார்த்தை நடத்தி வருகிறார் என்பது குறிப்பிடத்தக்கது
இந்தநிலையில் யாஷ் நடித்த ’கேஜிஎப்’ என்ற திரைப்படத்தை பாலிவுட்டில் ரிலீஸ் செய்த பிரபல தயாரிப்பாளர் ஃபர்கான் அக்தர் என்பவர் தயாரிக்கும் பாலிவுட் படத்தில் நடிக்க மாளவிகா மோகனன் ஒப்பந்தம் செய்யப்பட்டு இருப்பதாக செய்திகள் வெளிவந்துள்ளது. இதன்மூலம் மாளவிகா மோகனன் பாலிவுட்டில் எண்ட்ரி ஆகிறார் என்பது உறுதியாகிறது
இந்த படத்தின் படப்பிடிப்பு வரும் ஏப்ரல் மாதம் தொடங்க இருப்பதாகவும் இந்த படத்தில் நடிக்கும் நாயகன் உள்பட மற்ற கேரக்டர்கள் குறித்த தகவல்கள் விரைவில் வெளியாகும் என்றும் கூறப்படுகிறது. மாஸ்டர் நாயகிக்கு பாலிவுட் வாய்ப்பு கிடைத்திருப்பது கோலிவுட்டில் பெரும் பரபரப்பை ஏற்படுத்தியுள்ளது