close
Choose your channels

ஒரு புதிய சகாப்தத்தை உருவாக்குவோம்: உதயநிதியுடன் மீராமிதுன்

Thursday, July 16, 2020 • தமிழ் Comments

பிக்பாஸ் போட்டியாளரும் நடிகையுமான மீராமிதுன் கடந்த சில நாட்களாக தனது சமூக வலைப்பக்கத்தில் பரபரப்பான கருத்துக்களை தெரிவித்து வருகிறார் என்பதை ஏற்கனவே பார்த்தோம். குறிப்பாக சமீபத்தில் அவர் ரஜினி மற்றும் விஜய் மீது குற்றம் சாட்டி இருந்தார் என்பதும் இருவர் மீதும் சைபர் செல்லில் புகார் அளிக்கப் போவதாக கூறியிருந்தார் என்பதும் தெரிந்ததே. அதுமட்டுமின்றி அவர் தமிழகத்தின் ஆளும் கட்சியையும் கடுமையாக விமர்சனம் செய்து வந்தார்.

இந்த நிலையில் சற்று முன்னர் தனது சமூக வலைத்தளத்தில் உதயநிதியுடன் இணைந்து எடுத்துக்கொண்ட புகைப்படம் ஒன்றை பதிவு செய்துள்ளார். அதில் உதயநிதியை டேக் செய்து ’புதிய சகாப்தத்தை உருவாக்குவோம்’ என்றும், திமுக தலைவர் முக ஸ்டாலின் அவர்களை டேக் செய்து ‘நாம் இணைந்து வெல்வோம்’ என்றும் பதிவு செய்துள்ளார்.

மீராமிதுனின் இந்த டுவிட் தற்போது பெரும் பரபரப்பை ஏற்படுத்தியதோடு வைரலாகி வருகிறது என்பது குறிப்பிடத்தக்கது. இதனை அடுத்து திமுகவில் மீராமிதுன் சேர்வாரா? என்பதை பொறுத்திருந்து பார்ப்போம்

Get Breaking News Alerts From IndiaGlitz