మీరా వ‌ర్సెస్ స‌మీరా
- IndiaGlitz, [Monday,June 11 2018]
ఈ వారం రెండు ప్రేమ‌క‌థా చిత్రాలు తెలుగు తెర‌పై సంద‌డి చేయ‌బోతున్నాయి. ఆ సినిమాలే.. నా నువ్వే, స‌మ్మోహ‌నం. క‌ళ్యాణ్ రామ్‌, త‌మ‌న్నా జంట‌గా జ‌యేంద్ర ద‌ర్శ‌క‌త్వంలో రూపొందిన నా నువ్వే ఈ నెల 14న ప్రేక్షకుల ముందుకు రానుండ‌గా.. సుధీర్ బాబు, అదితి రావ్ హైద‌రీ హీరోహీరోయిన్లుగా ఇంద్ర‌గంటి మోహ‌న‌కృష్ణ తెర‌కెక్కించిన స‌మ్మోహ‌నం ఈ నెల 15న రిలీజ్ కాబోతోంది.
ఆస‌క్తిక‌ర‌మైన విష‌య‌మేమిటంటే.. ఈ రెండు సినిమాల్లోనూ క‌థానాయిక‌ల పాత్ర‌లు సెల‌బ్రిటీలు కావ‌డంతో పాటు పేర్లు కూడా ద‌గ్గ‌ర‌గా ఉండ‌డం. నా నువ్వే విష‌యానికి వ‌స్తే.. త‌మ‌న్నా పాపుల‌ర్ రేడియో జాకీగా మీరా పాత్ర‌లో క‌నిపించ‌బోతోంది.
ఇక స‌మ్మోహ‌నం విష‌యానికి వ‌స్తే.. అదితి రావ్ హైద‌రీ సినిమా హీరోయిన్ స‌మీరా పాత్ర‌లో ద‌ర్శ‌న‌మివ్వ‌నుంది. మ‌రి.. మీరా, స‌మీరా పాత్ర‌ల్లో ఏ పాత్ర‌కి ప్రేక్షకుల నుంచి మంచి రెస్పాన్స్ వ‌స్తుందో చూడాలి.