మెగా ఫ్యాన్స్‌కు గుడ్‌న్యూస్ : ప్రీ రిలీజ్ ఈవెంట్ డేట్ కన్ఫర్మ్.. ఎప్పుడంటే..?
- IndiaGlitz, [Saturday,April 09 2022]
మెగాస్టార్ చిరంజీవి - కొరటాల శివ కాంబినేషన్‌లో తెరకెక్కిన ‘‘ఆచార్య’’ సినిమా రిలీజ్‌కు రెడీ అయ్యింది. ఎప్పుడో విడుదల కావాల్సిన ఈ సినిమా కరోనా, తదితర కారణాలతో వాయిదాపడింది. ఎట్టకేలకు అన్ని అవాంతరాలను దాటుకుని ఏప్రిల్ 29న ప్రపంచవ్యాప్తంగా గ్రాండ్‌గా రిలీజ్ కానుంది. దీంతో ఈ సినిమాకు సంబంధించిన రెగ్యులర్ ప్రమోషన్స్ కూడా కూడా ప్రారంభించనున్నారు మేకర్స్. ఇప్పటికే విడుదలైన పాటలకు కూడా మంచి రెస్పాన్స్ వస్తోంది. మెలోడీ బ్రహ్మా మణిశర్మ చాలా రోజుల తర్వాత మెగాస్టార్ చిరంజీవి సినిమాకు మ్యూజిక్ అందించిన విషయం తెలిసిందే. ఇదే సమయంలో ఈ మూవీ ప్రీ రిలీజ్ ఈవెంట్‌కు ప్లాన్ కూడా రెడీ అయింది.
ఏప్రిల్ 24 (ఆదివారం) హైదరాబాద్ యూసఫ్‌గూడ పోలీస్ లైన్స్‌ గ్రౌండ్స్‌లో ఆచార్య ప్రీ రిలీజ్ ఈవెంట్ జరగనుంది. ఇందుకు సంబంధించిన ఏర్పాట్లు మొదలుపెట్టనున్నారు. మెగాస్టార్ చిరంజీవి, రామ్‌చరణ్ తేజ్ సహా పలువురు ప్రముఖులు ఈ కార్యక్రమానికి హాజరుకానున్నారు. అయితే ప్రస్తుతం మెగా ఫ్యాన్స్ ‘‘ఆచార్య’’ ట్రైలర్ కోసం ఎదురుచూస్తున్నారు. శ్రీరామనవమి కానుకగా ట్రైలర్ లాంచ్ అయ్యే అవకాశాలు కనిపిస్తున్నాయి. లేనిపక్షంలో ప్రీ రిలీజ్ ఈవెంట్ వేదికపై విడుదల కావొచ్చని ఫిలింనగర్ టాక్.
మ్యాట్నీ ఎంటర్టైన్మెంట్స్ బ్యానర్‌పై నిరంజన్ రెడ్డి, రామ్‌చరణ్ సంయుక్తంగా నిర్మించిన ఆచార్యలో కాజల్ హీరోయిన్ గా నటిస్తున్నారు. రామ్‌చరణ్, పూజాహెగ్డే, సోనూసూద్ కీలక పాత్రలో కనిపించనున్నారు. ఇప్పటికే ఆచార్య నుంచి విడుదలైన 'లాహె లాహె', 'నీలాంబ‌రీ' ‘శానా కష్టం’ పాటలు ప్రేక్ష‌కుల‌ను విశేషంగా అల‌రించాయి. ఇక చిరంజీవి వరుసపెట్టి సినిమాలు చేస్తున్న సంగతి తెలిసిందే. మోహన రాజా దర్శకత్వంలో గాడ్‌ఫాదర్‌తో పాటు మెహర్ రమేశ్ దర్శకత్వంలో భోళా శంకర్, బాబీ డైరెక్షన్‌లో ‘‘వాల్తేర్ వీరయ్య’’, వెంకీ కుడుముల దర్శకత్వంలో మరో సినిమా చేయనున్నారు మెగాస్టార్.