close
Choose your channels

కాలం, దేశం మారినా మేం మారలేదంటోన్న మెగాస్టార్

Monday, May 18, 2020 • తెలుగు Comments

కాలం, దేశం మారినా మేం మారలేదంటోన్న మెగాస్టార్

మెగాస్టార్ చిరంజీవి లాక్‌డౌన్ స‌మ‌యంలో సోష‌ల్ మీడియాలో చాలా యాక్టివ్‌గా ఉంటున్నారు. ట్విట్ట‌ర్‌, ఇన్‌స్టాగ్రామ్‌లో ఆయ‌న పోస్ట్‌లు అంద‌రిలో ఆస‌క్తిని పెంచుతున్నాయి. తాజాగా.. ఆయ‌న పోస్ట్ చేసిన ఓ ఫొటో నెట్టింట్లో వైర‌ల్ అవుతోంది. 1990లో చిరంజీవి వంట చేస్తుండ‌గా సురేఖ ఆయ‌న వెనుక నిల‌బ‌డి ఉన్నారు. ఇది అమెరికాలో జ‌రిగింది. దాదాపు ముప్పై ఏళ్ల త‌ర్వాత అదే సీన్ రిపీట‌య్యింది. ఇప్పుడు మెగాస్టార్ చిరంజీవి ఇంట్లోనే ఆయ‌న వంట చేస్తుంటే సురేఖ ఆయ‌న వెనుక నిల‌బ‌డి చూస్తున్నారు. కాలం మారినా, దేశం మారినా మేం మార‌లేదు అంటూ చిరు కామెంట్ పెట్టారు. అంతే కాకుండా 1990 నాటి ఫొటోకు జాయ్‌ఫుల్ హాలీడే ఇన్ అమెరికా, ప్రెజెంట్ ఫొటోను జైల్‌ఫుల్ హాలీడే క‌రోనా అనే క్యాప్ష‌న్స్ కూడా ఇచ్చారు చిరంజీవి. ఈ ఫొటో అంద‌రినీ ఆక‌ట్టుకుంటోంది.

ప్ర‌స్తుతం చిరంజీవి త‌న 152వ చిత్రం ఆచార్య‌తో బిజీగా ఉన్నారు. కొర‌టాల శివ ద‌ర్శ‌క‌త్వంలో రూపొందుతోన్నఈ చిత్రం ప్ర‌స్తుతం క‌రోనా ప్ర‌భావంతో ఆగింది. వ‌చ్చే ఏడాది సంక్రాంతికి ఈ చిత్రాన్ని విడుద‌ల చేసేలా స‌న్నాహాలు జ‌రుగుతున్నాయ‌ని టాక్‌. కాజ‌ల్ అగ‌ర్వాల్ హీరోయిన్‌గా న‌టిస్తోన్న ఈ చిత్రంలో మెగాప‌వ‌ర్‌స్టార్ రామ్‌చ‌ర‌ణ్ ఓ కీల‌క పాత్ర‌లో న‌టిస్తున్నారు.

Get Breaking News Alerts From IndiaGlitz