மறைந்த தந்தையின் புகைப்படம் முன் விளையாடும் சிரஞ்சீவி சார்ஜாவின் மகன்: வைரல் வீடியோ
- IndiaGlitz, [Wednesday,May 05 2021]
ஆக்சன் கிங் அர்ஜுனின் சகோதரரும் நடிகை மேக்னா ராஜின் கணவருமான சிரஞ்சீவி சார்ஜா கடந்த ஆண்டு ஜூன் மாதம் திடீரென மாரடைப்பு காரணமாக காலமானார். அவர் மரணமடைந்தபோது அவரது மனைவி மேக்னாராஜ் நான்கு மாத கர்ப்பமாக இருந்தார் என்பது குறிப்பிடத்தக்கது.
அதன்பின் கடந்த சில மாதங்களுக்கு முன்னர் மேக்னாராஜ்க்கு ஆண் குழந்தை பிறந்தது என்பதும் அந்த குழந்தையை பார்த்து தனது கணவரே மீண்டும் வந்து பிறந்ததாக உருக்கமாக மேக்னாராஜ் பதிவு செய்திருந்தார் என்பதும் தெரிந்ததே.
இந்த நிலையில் மேக்னா ராஜ் தனது குழந்தையின் புகைப்படம் மற்றும் வீடியோக்களை அவ்வப்போது தனது இன்ஸ்டாகிராம் பக்கத்தில் வெளியிட்டு வரும் நிலையில் சற்றுமுன் அவர் ஒரு வீடியோவை வெளியிட்டுள்ளார்.
அந்த வீடியோவில் மேக்னாராஜ் குழந்தை தனது தந்தையின் புகைப்படத்திற்கு முன் விளையாடும் காட்சி உள்ளது. தந்தை மறைந்தது கூட தெரியாத வயதில் இருக்கும் அந்த குழந்தை தந்தையின் புகைப்படம் முன் விளையாடும் காட்சியை பார்த்து ரசிகர்கள் மிகவும் உருக்கமாக கமெண்ட்ஸ்களை பதிவு செய்து வருகின்றனர். இந்த வீடியோ தற்போது வைரல் ஆகி வருகிறது.