'மெர்சல்' ஆடியோ விழா நேரடி ஒளிபரப்பு: விஜய் ரசிகர்களுக்கு இன்ப அதிர்ச்சி
- IndiaGlitz, [Tuesday,August 15 2017]
தளபதி விஜய் நடிக்கும் படத்தின் ஆடியோ விழா என்றாலே அன்றைய தினம் அவரது ரசிகர்களுக்கு ஒரு திருவிழா போன்றதுதான். இருப்பினும் நேரம், இடம் கருதி ஆடியோ விழா நடைபெறும் இடத்தில் ஒருசில குறிப்பிட்ட ரசிகர்கள் மட்டுமே அனுமதிக்கப்பட்டு இருந்தனர். இந்த நிலையில் 'மெர்சல்' ஆடியோ விழா இந்த மனக்குறையை போக்கியுள்ளது.
ஆம், ஆகஸ்ட் 20ஆம் தேதி சென்னை நேரு ஸ்டேடியத்தில் நடைபெறவுள்ள 'மெர்சல்' ஆடியோ விழா ஜீதமிழ் தொலைக்காட்சியில் நேரடி ஒளிபரப்பு செய்யப்படுகிறது. இதனால் இந்த விழாவை விஜய் ரசிகர்கள் மட்டுமின்றி அனைத்து தரப்பினர்களும் நேரடியாக கண்டுமகிழும் வாய்ப்பு உள்ளது.
'மெர்சல்' திரைப்படம் ஏற்கனவே பல சாதனைகளை தவிடுபொடியாக்கி வரும் நிலையில் தமிழ் திரைப்படம் ஒன்றின் ஆடியோ விழா இதற்கு முன் நேரடியாக ஒளிபரப்பாகியது இல்லை என்ற நிலையில் இந்த சாதனையையும் புதியதாக ஏற்படுத்தியுள்ளது. மேலும் இந்த விழாவில் இசையமைப்பாளர், ஆஸ்கார் நாயகன் ஏ.ஆர்.ரஹ்மான் ஓரிரண்டு பாடல்களை நேரடியாக பாடவுள்ளார் என்ற செய்தி வெளிவந்துள்ள நிலையில் இந்த நேரடி ஒளிபரப்பு செய்தி விஜய் ரசிகர்களுக்கு நிச்சயம் ஒரு இன்ப அதிர்ச்சிதான்.