close
Choose your channels

ஜூன் மாதத்தில் அதிக வசூல் செய்த படம் 'மெர்சல்': ஒரு ஆச்சரிய தகவல்

Tuesday, July 2, 2019 • தமிழ் Comments

சென்னையில் உள்ள முக்கிய திரையரங்கம் ஒன்றில் கடந்த மாதம் அதாவது ஜூன் மாதம் மொத்தம் 19 திரைப்படங்கள் திரையிடப்பட்டன. இவற்றில் 11 திரைப்படங்கள் பெரிய ஸ்க்ரீனில் திரையிடப்பட்டன. இந்த படங்களில் இரண்டு படங்கள் மட்டுமே ஹவுஸ்புல் காட்சிகளாக ரசிகர்களால் நிரம்பியுள்ளது. அவற்றில் ஒன்றுதான் கடந்த ஜூன் 22ஆம் தேதி தளபதி விஜய்யின் பிறந்த நாளை முன்னிட்டு திரையிடப்பட்ட 'மெர்சல்' திரைப்படம் ஆகும். 

மெர்சல் திரைப்படம் கடந்த 2017ஆம் ஆண்டு தீபாவளி தினத்தில் வெளியானபோதிலும் விஜய்யின் பிறந்த நாளை முன்னிட்டு சென்னை உள்பட தமிழகத்தின் பல பகுதிகளில் மீண்டும் திரையிடப்பட்டது. அப்படி திரையிடப்பட்ட படம் தான் ஜூன் மாத வசூலில் சாதனை புரிந்துள்ளது என்பது ஆச்சரியத்தக்க ஒன்றாக கருதப்படுகிறது.

ஜூன் மாதத்தில் வெளியாகி ஹவுஸ்புல் ஆன இன்னொரு திரைப்படம் 'கொலைகாரன்' என அந்த தியேட்டர் உரிமையாளர் தனது சமூக வலைத்தள பக்கத்தில் குறிப்பிட்டுள்ளார் என்பது குறிப்பிடத்தக்கது.
 

Get Breaking News Alerts From IndiaGlitz