'தளபதி 66' படத்திலும் நடிக்கின்றேன்: பிரபல நடிகர் பகிர்ந்த புகைப்படம்
- IndiaGlitz, [Wednesday,May 04 2022]
தளபதி விஜய் நடித்த சர்க்கார், மெர்சல், பிகில், பீஸ்ட் ஆகிய திரைப்படங்களில் விஜய்யுடன் இணைந்து நடித்த நடிகர், ‘தளபதி 66’ படத்திலும் நடிக்க உள்ளதாக அறிவித்துள்ளார். இதுகுறித்து அவர் பதிவு செய்துள்ள புகைப்படம் இணையதளங்களில் வைரலாகி வருகிறது.
தளபதி விஜய் நடிப்பில், வம்சி இயக்கத்தில், தில்ராஜூ தயாரிப்பில், தமன் இசையில் உருவாகி வரும் திரைப்படம் ’தளபதி 66’. இந்த படத்தின் முதல் கட்ட படப்பிடிப்பு சென்னையில் நடந்த நிலையில் தற்போது இரண்டாம் கட்ட படப்பிடிப்பு ஹைதராபாத்தில் நடைபெற்று வருகிறது.
இந்த நிலையில் ’தளபதி 66’ படத்தில் இணைந்து உள்ளதாக பிரபல காமெடி நடிகர் யோகிபாபு புகைப்படத்துடன் கூடிய ஒரு பதிவு செய்துள்ளார். இந்த பதிவு தற்போது வைரலாகி வருகிறது.
ராஷ்மிகா மந்தனா நாயகியாகவும், சரத்குமார், ஷாம் முக்கிய கேரக்டரில் நடிக்கும் இந்தப் படத்தின் படப்பிடிப்பு விறுவிறுப்பாக நடைபெற்று வருகிறது.
— Yogi Babu (@iYogiBabu) May 3, 2022