எனக்கு கொரோனா பாதிப்பு இல்லை, காய்ச்சல் மட்டுமே: அமைச்சர் அன்பழகன் விளக்கம்
- IndiaGlitz, [Friday,June 19 2020]
தமிழக உயர்கல்வித்துறை அமைச்சர் கேபி அன்பழகன் அவர்களுக்கு கொரோனா உறுதி செய்யப்பட்டுள்ளதாகவும், மணப்பாக்கத்தில் உள்ள தனியார் மருத்துவமனையில் அனுமதிக்கப்பட்டுள்ளதாகவும் செய்திகள் வெளிவந்த நிலையில் தற்போது அமைச்சர் அன்பழகன் அவர்கள் இதுகுறித்து விளக்கம் அளித்துள்ளார்.
தனக்கு கொரோனா பாதிப்பு இல்லை என்றும், வெறும் காய்ச்சல் மட்டுமே இருந்ததாகவும், தற்போது காய்ச்சலும் சரியாகிவிட்டதாகவும் அன்பழகன் விளக்கம் அளித்துள்ளார். மேலும் தான் தனிமைப்படுத்தப்படவில்லை என்றும் அவர் கூறியுள்ளார்.
அமைச்சர் அன்பழகன் அவர்களின் இந்த விளக்கத்தை அடுத்து அவருக்கு கொரோனா பாதிப்பு இல்லை என்பது உறுதியாகியுள்ளது. இதனால் கடந்த சில மணி நேரமாக இருந்த பரபரப்பிற்கு முற்றுப்புள்ளி வைக்கப்பட்டுள்ளது