close
Choose your channels

கவுன்சிலர் தேர்தலில் போட்டியிட கூட கமல் கட்சியில் ஆளில்லை: அமைச்சர் ராஜேந்திர பாலாஜி

Saturday, September 1, 2018 • தமிழ் Comments

நடிகரும் மக்கள் நீதி மய்யம் கட்சியின் தலைவருமான கமல்ஹாசன் நேற்று அளித்த பேட்டியின்போது, 'திருப்பரங்குன்றம், திருவாரூர் ஆகிய தொகுதிகளில் நடைபெறும் இடைத்தேர்தலில் தங்கள் கட்சி போட்டியிடாது என்று அறிவித்தார்.

கமல்ஹாசனின் இந்த அறிவிப்பு குறித்து ஏற்கனவே கருத்து கூறிய அமைச்சர் ஜெயகுமார், 'தேர்தல் என்றால் கமல்ஹாசனுக்கு பயம். எந்த தேர்தலிலும் அவர் போட்டியிடப்போவதில்லை' என்று கூறினார்.

இந்த நிலையில் கமல்ஹாசனின் இந்த கருத்து குறித்து இன்னொரு அதிமுக அமைச்சர் ராஜேந்திரபாலாஜி கூறியபோது, 'அரசியல் கட்சித் துவங்கியுள்ள நடிகர் கமல்ஹாசன் திருப்பரங்குன்றம் இடைத்தேர்தலில் போட்டியிடப் போவதில்லை என்று தெரிவித்துள்ளார். ஆனால் அவர் இந்த தேர்தலில் மட்டுமல்ல, கவுன்சிலர் தேர்தல் உட்பட எந்த தேர்தல் நடந்தாலும், அதில் போட்டியிட மாட்டார். ஏனென்றால் தேர்தலில் போட்டியிட அவரது கட்சியில் ஆட்கள் இல்லை.