உங்க பயம் தான் அவனோட ஆயுதம், எதுக்கு பயந்து ஓட்றிங்க.. மித்ரன் ஜவஹரின் 'அரியவன்' டீசர்..!
- IndiaGlitz, [Thursday,February 16 2023]
தனுஷ் நடித்த 'யாரடி நீ மோகினி’ ’திருச்சிற்றம்பலம்’ ஆகிய படங்களை இயக்கிய இயக்குனர் மித்ரன் ஜவஹர் இயக்கிய அடுத்த திரைப்படம் ’அரியவன்’. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் சற்றுமுன் இந்த படத்தின் டீசர் வெளியாகி உள்ளது.
சமூகத்தில் பெண்கள் மீதான பாலியல் வன்முறைக்கு தீர்வு காணும் கதையம்சம் கொண்ட இந்த படத்தில் ஈஷான் நாயகனாகவும், ப்ராணலி நாயகியாகவும் அறிமுகமாகியுள்ளனர். மேலும் இந்த படத்தில் டேனியல் பாலாஜி, சத்யன், கல்கி ராஜா, ரமா, ரமேஷ் சக்ரவர்த்தி, சூப்பர் குட் சுப்ரமணி, ரவி வெங்கட்ராமன் உள்பட பலர் நடித்திருக்கின்றனர்.
மாரிச்செல்வன் கதை எழுத, எடிட்டிங் மா தியாகராஜன் மற்றும் ஒளிப்பதிவு கே எஸ் விஷ்ணு ஸ்ரீ மேற்கொள்ள, எம் ஜி பி மாஸ் மீடியா நிறுவனம் இந்த படத்தை தயாரித்துள்ளது.
இளம்பெண்களை பாலியல் தொல்லைக்கு உள்ளாக்கி கொலை செய்யும் கும்பலை நாயகன் எப்படி பிடிக்கின்றார் என்பது தான் இந்த படத்தின் கதை என டீசரில் இருந்து தெரிய வருகிறது.