மோகன்லால் நடித்த ‘எம்புரான்’ திரைப்படம் வரும் 27ஆம் தேதி திரையரங்குகளில் பிரம்மாண்டமாக வெளியாக இருக்கிறது. இந்த படத்தின் முன்பதிவு தற்போது தொடங்கியுள்ள நிலையில், முன்பதிவில் பெரும் சாதனை செய்துள்ளதாக தகவல் வெளியாகியுள்ளது.

ஏற்கனவே, ‘எம்புரான்’ திரைப்படம் முதல் ஒரு மணி நேரத்தில் அதிக டிக்கெட்டுகள் முன்பதிவு செய்து புதிய சாதனை படைத்துள்ளது. மேலும், 24 மணி நேரத்தில் இந்திய அளவில் அதிக டிக்கெட்டுகள் முன்பதிவு செய்யப்பட்ட படம் என்ற சாதனையையும் பெற்றுள்ளது.

குறிப்பாக, 24 மணி நேரத்தில் 6,45,000 டிக்கெட்டுகள் முன்பதிவு செய்யப்பட்டுள்ளமை குறிப்பிடத்தக்கது.

தமிழ், தெலுங்கு, கன்னடம், மலையாளம், ஹிந்தி ஆகிய ஐந்து மொழிகளில் இந்த படம் வெளியாக இருக்கிறது. சமீபத்தில் வெளியான டிரைலர், மிகப்பெரிய அளவில் வரவேற்பு பெற்றுள்ளது.

மோகன்லால், பிரித்விராஜ், மஞ்சு வாரியர், டொவினோ தாமஸ் உள்பட பலர் நடித்துள்ள இந்த படம், ஐமேக்ஸ் தரத்தில் வெளியாகும் முதல் மலையாள பிரம்மாண்ட படம் என்பதும் குறிப்பிடத்தக்கது.